Ahebro 9:6 - Mbeti ti Nzapa - Tënë so amu fini

⁶ So a leke aye ni tongaso kue awe, awayango-sandaga ayeke li lakue na ya ti kozo ndo ni ti sara kua ti ala.

Ahebro 9:6 Referans Kwoze

Wungo ti azo 28:3

“Mo yeke tene na ala: Baa, aye so ala lingbi ti mu na KOTA GBIA laa: akete taba use ti ngu oko so mbeni mbage ti tere ti ala abuba pepe; ala yeke mu ataba ni na ya ti lango oko oko. So ayeke sandaga so a yeke gbi ni kue na wâ ndali ti KOTA GBIA lakue lakue.

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Daniel 8:11

Didi ni asara nga bira na makonzi ti aturugu ti yayu ni; didi ni akanga lege ti *sandaga so azo ayeke mu na ya ti lango oko oko na makonzi ni; lo sara si ndo so a zia ni nde ndali ti makonzi ni aga sioni.

Wungo ti azo 18:2

Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.