Ahebro 8:2 - Mbeti ti Nzapa - Tënë so amu fini

² Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 8:2 Referans Kwoze

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

Rome 15:8

Biani, mbi tene na ala: Nzapa angba na ndö ti tënë so lo tene. Ndani laa Christ aga zo ti sarango kua na azuife ti sara ye alingbi na zendo so Nzapa amu ando na akotara ti e.

Sigingo 33:7

Na ndembe so azo ti Israel ayeke sara bâbâ ti ala lakue, Moïse ayeke gbara da ti bongo ni yongoro na bâbâ ni. Lo di iri ni “da ti bongo so KOTA GBIA na azo ti lo ayeke wara tere daa.” Tongaso, azo so kue aye ti hunda KOTA GBIA na mbeni tënë, ala yeke sigigi na ya ti bâbâ ni si ala yeke gue na da ti bongo ni.

Ahebro 11:10

Abraham asara tongaso, ngbanga ti so lo yeke ku gbata so agere ni ayeke tongana agere ti da so akpengba. Nzapa wani laa ayeke wakode-kua ti gbata ni, lo laa lo leke ni.

Ahebro 10:21

E yeke na mbeni kota wayango-sandaga so a mu na lo komandema na ndö ti da ti Nzapa.

Kolose 2:11

So ala ga oko na Christ, a fâ ala na *ganza awe. Ganza so a fâ ala na ni, azo laa afâ ala na ni pepe, me ganza ni alondo na Christ wani. Ganza ni azi ala na gbe ti ngangu ti siokpari so ayeke na ya ti tere ti ala ti zo.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Sigingo 28:35

Fade Aaron ayeke yu bongo ni so na ndembe so lo yeke sara kua ti wayango-sandaga. Tongana lo yeke li na ya ti da so ayeke nde si ayeke nzoni kue na le ti mbi KOTA GBIA, fade azo ayeke ma toto ti aye so atoto ngrengre so, wala tongana lo yeke sigigi na ya ti da ni, fade azo ayeke ma nga toto ni. Tongaso si lo kui pepe.

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 25:9

Fade ala yeke sara da ni na akungba ti ya ni kue alingbi gi na kode nga na tapande so mbi yeke fa na mo.”

Ahebro 9:1

Kozo *mbuki ayeke na andia so ayeke fa na azo lege ti vorongo Nzapa; ayeke nga na da ti vorongo Nzapa so azo aleke na ndö ti sese so.

Ahebro 10:11

Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe.

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.