Ahebro 6:8 - Mbeti ti Nzapa - Tënë so amu fini

⁸ Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.

Ahebro 6:8 Referans Kwoze

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Ndia ti fani use ni 29:28

Aye so angba na hondengo ni ayeke ti KOTA GBIA Nzapa ti e. Me aye so a sigigi na nda ni ayeke ti e na *ahale ti e kpu na kpu. Tongaso, alingbi e sara ye alingbi na atënë ti ndia so kue.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Ahebro 12:17

Ala hinga so, na pekoni, Ezau aye titene babâ ti lo asara tufa na ndö ti lo titene lo wara aye ti peko ti babâ ti lo, me a gbanzi lo na ni. Lo gi lege ngangu ti sanze ye so lo sara so, me lo ha gbaa, ataa so lo toto na ngu ti le.

Ahebro 10:27

Me ye so angba ayeke gi ti ku na kota mbeto na be ngbanga ti Nzapa na kota wâ so ayeke gbi azo so ake Nzapa.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Marc 11:21

Pierre adabe ti lo na ye so asi lani so si lo tene na Jésus: “Wafango-ye, baa keke ti fige so lani mo deba ni so, ahole kue awe.”

Marc 11:14

Jésus atene na keke ti fige ni: “Zo ayeke kiri ti te lengo ti mo mbeni pepe!” Adisiple ti lo ama tënë so lo tene so.

Matthieu 7:19

Keke so kue ale nzoni pepe, fade a yeke de ni si a tuku ni na le ti wâ.

Matthieu 3:10

Do ayeke na gunda ti akeke ti de ni: keke so kue ale nzoni lengo pepe, fade ayeke de ni ti bi na wâ.

Jérémie 17:6

Lo yeke tongana mbeni kete keke na ndö ti kuru sese: pasa ti lo ayeke daa oko pepe titene nzoni ye aga na lo. Lo yeke ngba na ndo so gi atêne laa ayeke daa, na ndö ti sese so ingo asi singo daa, ndo so zo asara kodro daa pepe.

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Mbeti ti Job 31:40

Tongana ye ni ayeke tongaso, ayeke nzoni akeke ti ki asigigi na plase ti *ble; afungo pere asigigi na plase ti *orze. Atënë ti Job ahunzi na ndo so.

Tongo nda ti aye 5:29

Lo di iri ti molenge ni Noe; lo tene: “Fade lo laa lo yeke sara titene be ti e ade na peko ti akua na apasi so e yeke baa ndali ti sese so KOTA GBIA adeba ni so.”

Tongo nda ti aye 4:11

Sese azi yanga ti lo si ayamba mene ti ita ti mo so mo fâ lo so. Fadeso, a deba mo si a tumba mo na ndö ti nzoni sese ni awe.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

2 Samuel 23:7

Zo so aye ti gbu ni, ayeke nzoni lo mu wen wala keke ti likongo, lo gbu na ni. A yeke gbi ni gi na ndo ni so.

Ésaïe 27:4

Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.