Ahebro 6:5 - Mbeti ti Nzapa - Tënë so amu fini

⁵ ala hinga atene, tënë ti Nzapa anzere, ala hinga nga aye ti kpene ti ngoi so Nzapa ayeke ga ti le-gbia.

Ahebro 6:5 Referans Kwoze

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

1 Pierre 2:3

Biani, Mbeti ti Nzapa atene: “Ala wani atara so *Kota Gbia ayeke nzoni.”

2 Pierre 2:20

Azo so azi tere ti ala awe na ya ti aye ti potopoto ti dunia na lege so ala hinga Jésus Christ, Kota Gbia ti e na Wasongo e, tongana ala kiri ayoro tere ti ala na ya ti aye ti potopoto ni titene ahon ndö ti ala si akanga ala, fade dutingo ti ala ayeke ga sioni mingi ahon ti kozoni.

Ahebro 2:5

Biani, dunia so ayeke ga ande si e yeke tene tënë ni so, *a-ange laa Nzapa azia ni na gbe ti ala pepe.

Marc 6:20

Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.

Abia (Psaumes) 34:8

*Ange ti KOTA GBIA ayeke sara sanziri na tere ti azo so akpe mbeto ti lo; lo yeke zi ala na ya ti ye ti ngangu.

Matthieu 12:32

Tongana zo atene sioni tënë na tere ti *Molenge ti Zo, fade Nzapa ayeke zi tënë na li ti zo ni; me tongana zo atene sioni tënë na tere ti Yingo-Vuru, fade Nzapa ayeke zi tënë na li ti lo pepe, ataa na ngoi ti fadeso, ataa na ngoi so ayeke ga.”

Efeze 6:17

Ala mu songo so Nzapa asoo ala tongana kpoto ti wen ti batango na li ti ala. Ala mu nga tënë ti Nzapa tongana yongoro zeme so Yingo amu na ala.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Ahebro 11:3

Na lege ti mabe si e hinga, e tene, dunia abaa gigi na lege ti tënë ti yanga ti Nzapa. So aye ti fa atene, ye so le ti zo ayeke baa, alondo na lege ti ye so le ti zo abaa pepe.

1 Pierre 1:25

me tënë ti *Kota Gbia ayeke ngba kpu na kpu.” Tënë ni ayeke Nzoni Tënë so a fa ni na ala ando.