Ahebro 4:9 - Mbeti ti Nzapa - Tënë so amu fini

⁹ So aye ti tene, mbeni lango ti wungo tere angba ndali ti azo ti Nzapa, tongana ti lango mbarambara ni.

Ahebro 4:9 Referans Kwoze

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ahebro 4:3

Ti e so e ma na be na Nzoni Tënë ni, e yeke li na ndo ti wungo tere ni. Nzapa atene ando, atene: “Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!” Andaa, Nzapa atene tënë so na peko ti so lo hunzi kua ti lo kue awe, ngbene ye so dunia abaa gigi.

Ahebro 4:1

Nzapa amu zendo na e atene, e lingbi ti li na ndo so lo leke titene e wu tere ti e daa; zendo ni angba laso. Tongaso, le ti ala akpengba si lege ti lingo na ndo ti wungo tere ni akanga na mbeni zo oko na popo ti ala pepe.

Ahebro 11:25

Lo yeda ti baa pasi legeoko na azo ti Nzapa, ahon titene lo duti na ngia na ya ti siokpari na ya ti kete ngoi.

Ahebro 3:11

Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!”

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Ésaïe 57:2

Me fade siriri ayeke kiri ti ga si azo so ayeke sara ye na legeni ayeke lango na ndö ti gbogbo ti ala kpoo.

Abia (Psaumes) 47:9

Nzapa ayeke le-gbia na ndö ti amara nde; lo duti na ndö ti mbata ti lo ti gbia, mbata so a zia nde ndali ti lo.

Ahebro 4:8

Tongana Josué asi lani na azo ti Israel na ndo ti wungo tere ni so biani, ka Nzapa akiri atene tënë ti mbeni lango nde na pekoni pepe.

Ahebro 4:10

Biani, Nzapa awu tere ti lo na peko ti akua so lo sara. Legeoko nga, zo so asi na ndo ti wungo tere ni so, andaa lo nga, lo yeke wu tere ti lo na peko ti akua so lo sara.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”

Sigingo 16:30

Tongaso, azo ti Israel awu tere ti ala na lango mbarambara ni.