Ahebro 3:8 - Mbeti ti Nzapa - Tënë so amu fini

⁸ ala kpengba be ti ala pepe tongana ti so akotara ti ala asara ngangu li si ala tara be ti Nzapa na ngoi so ala yeke ando na benyama.

Ahebro 3:8 Referans Kwoze

Amato 28:14

Ti lo nzoni, zo so akpe lakue mbeto ti sarango sioni ye! Me zo so akpengba be ti lo, fade lo yeke ti na ya ti kpale.

Sigingo 17:7

Lo di iri ti ndo ni Masa, so ti tene “Tarango be”, na Meriba, so ti tene “Gingo yanga”. Biani, na ndo so laa azo ti Israel agi yanga ti Moïse si ala tara be ti KOTA GBIA, atene: “KOTA GBIA ayeke na popo ti e, wala lo yeke na popo ti e pepe?”

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Abia (Psaumes) 78:56

Me azo ti Israel atara be ti Nzapa, Nzapa so ayeke na yayu kâ na ndö ti aye kue; ala sara ngangu li na lo, aye so lo hunda na ala ti sarango ni, ala sara ye alingbi na ni pepe.

Abia (Psaumes) 78:18

Taa na be ti ala, ala tara be ti Nzapa, ala hunda lo ti mu na ala kobe ti tengo ni alingbi na ye so be ti ala aye.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Sigingo 8:15

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Abia (Psaumes) 106:14

Na benyama, nzara ti aye so atia ala ahon ndö ti ala; na ndo so ngu ayeke daa pepe, ala tara be ti Nzapa.

2 Mbai 36:13

Lo tomboka na tere ti gbia Nabukodonosor so asara si Sedesias adeba yanga ti lo na iri ti Nzapa. Lo sara ngangu li, lo kpengba be ti lo, lo ke ti kiri na mbage ti KOTA GBIA, Nzapa ti Israel.

Ndia ti fani use ni 6:16

Ala tara be ti KOTA GBIA Nzapa ti ala pepe, tongana ti so ala sara lani na Masa so.

1 Korente 10:9

E tara be ti Christ pepe tongana ti so ambeni na popo ti akotara asara ando si angbo ate ala, ala kui so.

Awatokua 19:9

Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.

Néhémie 9:16

Me baba ahon ndö ti akotara ti e, ala sara ngangu li, ala ma atënë ti ndia ti mo pepe.

1 Samuel 6:6

Ngbanga ti nyen laa ala ye ti kpengba be ti ala tongana ti Faraon na azo ti Ezipte ando so? Ala dabe ti ala na ye so Nzapa asara na ala ngbii si ala zia lege na azo ti Israel ti gue so!

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

Abia (Psaumes) 95:8

“Ala kpengba be ti ala pepe tongana ti so akotara ti ala asara ando na Meriba, tongana ti so akotara ti ala asara na lango so ala yeke na benyama ti Masa.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.