Ahebro 2:9 - Mbeti ti Nzapa - Tënë so amu fini

⁹ Me ye so e baa ni ayeke so: Nzapa akiri na Jésus na gbe ti a-ange ndali ti kete ngoi. Na lege ti nzoni be ti Nzapa, Jésus akui ndali ti azo kue, nilaa Nzapa asara si azo agonda lo mingi si ane lo ndali ti kuâ so lo kui.

Ahebro 2:9 Referans Kwoze

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

Rome 5:18

Tongaso, na lege ti siokpari ti zo oko, ngbanga ati na li ti azo kue. Legeoko nga, sarango ye ti mbirimbiri ti zo oko asara si azo kue aga mbirimbiri si ala yeke na fini.

Awatokua 2:33

Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

2 Korente 5:15

Lo kui ndali ti azo kue titene azo so angba na fini, ala ngba na fini ndali ti ala wani pepe, me ndali ti lo so lo kui si lo zingo na kuâ ndali ti ala.

Ahebro 10:5

Ndani laa, na ndembe so Christ aga lani na ndö ti sese so, lo tene na Nzapa, lo tene: “Sandaga wala mbeni ye so zo amu na mo, so laa mo ye pepe, me mo leke tere, mo mu na mbi.

Rome 5:8

Me Nzapa afa ndoye ti lo na e na lege so: na ngoi so e ngba lani azo ti siokpari, Christ akui ndali ti e.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 12:32

Ti mbi, tongana a mu mbi na sese, a kanga mbi na nduzu, fade mbi yeke sara si azo kue aga na tere ti mbi.”

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

Ahebro 8:3

Kota wayango-sandaga kue, a mu lo titene lo ya aye wala *sandaga na Nzapa. Nilaa, alingbi Jésus ayeke na mbeni ye na maboko ti lo ti ya na Nzapa.

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Rome 8:32

Nzapa agbanzi Molenge ti lo na e pepe, me lo ka lo ndali ti e kue; fade lo yeke ke ti mu na e aye kue tongana nyen?

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

Jean 10:17

Babâ ti mbi aye mbi, ngbanga ti so mbi yeke ka fini ti mbi si mbi yeke kiri ti wara ni.

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Matthieu 16:28

Mbi tene na ala taa-tënë: na popo ti azo so ge so, ambeni ayeke kui pepe ngbii ala baa Molenge ti Zo so ayeke ga ti duti tongana Gbia.”

Aye so Nzapa afa 19:12

Le ti lo ti bango na ndo ayeke za tongana menga ti wâ, akpoto mingi ti gbia ayeke na li ti lo. A su mbeni iri na tere ti lo so zo oko ahinga nda ni pepe, me gi lo oko.

Ahebro 2:7

Mo sara si lo kiri na gbe ti a-ange ndali ti kete ngoi, mo sara si azo agonda lo mingi si ane lo.

Nzoni Tënë so Luc asu na mbeti 9:27

Mbi tene na ala taa-tënë: fade ambeni zo na popo ti ala so ayeke ge so ayeke kui pepe ngbii ala baa kodro-gbia ti Nzapa.”

Marc 9:1

Jésus akiri atene na ala: “Mbi tene na ala taa-tënë: na popo ti azo so ge so, ambeni ayeke kui pepe, ngbii ala baa gango ti *Kodro-gbia ti Nzapa, na ngangu ti lo kue.”

Matthieu 6:28

“Ngbanga ti nyen si ala yeke gi be ti ala ndali ti bongo? Ala baa lege so akongo ti ngonda ayeke kono na ni: ala yeke sara kua pepe, ala yeke leke nga bongo pepe.

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Jean 8:51

Biani, mbi tene na ala taa-tënë: zo so asara ye alingbi na atënë ti mbi, fade lo yeke kui laoko pepe.”

Ahebro 1:9

Mo ye gi ye ti mbirimbiri si mo ke ye ti sioni. Ndani laa Nzapa, Nzapa ti mo asoro mo na popo ti amba ti mo si atuku mafuta ti matanga na li ti mo.”

Ahebro 11:5

Na lege ti mabe, a mu Henok na yayu titene lo kui pepe. Mbeni zo akiri abaa lo pepe, ngbanga ti so Nzapa amu lo awe. Mbeti ti Nzapa atene: kozo titene Nzapa amu lo, Henok aga nzoni na le ti lo.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.