Ahebro 13:15 - Mbeti ti Nzapa - Tënë so amu fini

¹⁵ Alingbi e ngba ti mu sandaga na Nzapa lakue na lege ti Jésus, sandaga ni ayeke gondango so e yeke gonda iri ti lo na anzoni tënë ti yanga ti e.

Ahebro 13:15 Referans Kwoze

Abia (Psaumes) 50:14

Ayeke nzoni mo mu singila na mbi, Nzapa; singila ni ayeke nzoni sandaga so mo mu na mbi. Sara ye alingbi na zendo so mo mu na mbi, Nzapa so ayeke na yayu kâ na ndö ti aye kue.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Ésaïe 57:19

fade mbi yeke zia bia ti sepela na yanga ti ala.” KOTA GBIA atene: “Siriri na zo so ayeke na yongoro ndo, siriri na zo so ayeke nduru! Biani, mbi yeke kai kobela ti azo ti mbi.”

2 Mbai 33:16

Lo kiri lo leke gbalaka ndali ti KOTA GBIA; lo mu *asandaga ti beoko na asandaga ti mungo singila na KOTA GBIA na ndö ti gbalaka ni. Na pekoni, lo mu yanga na azo ti Juda ti voro KOTA GBIA, Nzapa ti Israel.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Awayango-sandaga 7:12

Tongana mbeni zo aga na sandaga ti beoko titene lo mu singila na Nzapa, ayeke nzoni lo ga na gatoo so a tuku mafuta daa, a gbu ya ni si a sara na mama ni pepe; lo ga nga na makara so a kpaka mafuta na tere ni nga na gatoo so a sara na farini, a tuku mafuta daa si a gbu ya ni.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Abia (Psaumes) 118:19

Ala zi na mbi ayanga ti da, da so azo ti mbirimbiri ayeke li daa so; mbi yeke li daa ti mu singila na KOTA GBIA.

Abia (Psaumes) 18:49

Mo yeke zi mbi na maboko ti awato ti mbi; na ndö ni kue, mo yeke sara si mbi hon ndö ti azo so alondo ti tiri na mbi; mo yeke zi mbi na maboko ti azo ti sarango ngangu na zo.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Rome 6:19

Mbi yeke mu tapande ti dutingo ti azo ndali ti so hingango ndo ti ala ayeke ngangu. Ando, ala mu tere ti ala na ngbaa ti sara na aye ti kamene na aye ti kirikiri, aye so asara si ala ke yanga ti Nzapa. Legeoko nga, fadeso, alingbi ala mu nga tere ti ala na ngbaa ti sara aye ti mbirimbiri, so ayeke sara si fini ti ala aduti nde ndali ti Nzapa.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Néhémie 12:40

Use bongbi ti azo ti hengo bia ni ague, aluti na ya ti kota da ti Nzapa. Mbi nga, mbi luti, mbi na ndambo ti akota zo so amu peko ti mbi.

Esdras 3:11

Ala gonda KOTA GBIA na lege ti bia si ala mu singila na lo; ambeni ahe bia ni si ambeni akiri peko ti bia ni, atene: “KOTA GBIA ayeke nzoni, nzoni be ti lo angba ndali ti azo ti Israel kpu na kpu!” Azo kue asepela nga KOTA GBIA, ala dekongo ngangu, ngbanga ti so a lu gere ti kota da ti KOTA GBIA awe.

2 Mbai 29:31

Ezekias akiri amu tënë si lo tene: “Fadeso, ndali ti so maboko ti ala asi singo na asandaga, ala ga na asandaga ti ala ti beoko na asandaga ti mungo singila na KOTA GBIA na ya ti kota da ti lo.” Tongaso bongbi ti azo ni aga na asandaga ti beoko na asandaga ti mungo singila na KOTA GBIA. Azo so ayeke na nzoni be mingi aga nga na asandaga so a yeke gbi ni kue na wâ.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Abia (Psaumes) 119:108

KOTA GBIA, yeda na sambela ti mbi so mbi ya na mo tongana *sandaga so; fa na mbi atënë ti fango ngbanga ti mo.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Jérémie 33:18

Na popo ti awayango-sandaga ti mara ti Lévi, mbeni zo ayeke duti daa lakue ti luti na le ti mbi ti ya asandaga so a yeke gbi ni kue na wâ, lo yeke gbi asandaga na wâ ndali ti mbi si lo yeke mu asandaga ti beoko lakue na mbi.”

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Wungo ti azo 7:62

Lo mu kopo ti lôro oko so nengo ni ayeke grame 100, dukani asi ya ti kopo ni.