Ahebro 13:12 - Mbeti ti Nzapa - Tënë so amu fini

¹² Ndani laa, Jésus nga akui na gigi ti gbata ni titene na lege ti mene ti lo wani, lo *sukula sioni ti azo.

Ahebro 13:12 Referans Kwoze

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

Awatokua 7:58

Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Wungo ti azo 15:36

Bongbi ti azo ni asigigi na lo na ya ti bâbâ ni, ala bo lo na têne si lo kui alingbi na yanga so KOTA GBIA amu na Moïse.

Awayango-sandaga 24:23

Moïse atene peko ti atënë so na azo ti Israel. Tongaso azo amu koli so azonga iri ti Nzapa so, ala sigigi na lo na ya ti bâbâ, ala bo lo na têne si ala fâ lo. Azo ti Israel asara ye alingbi na yanga so KOTA GBIA amu na Moïse.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Josué 7:24

Josué na azo ti Israel kue amu Akan, molenge ti Zera, na wen ti nginza ni, bongo ni, ngbongboro lôro ni; amolenge ti lo ti koli na ti wali, abagara ti lo, alele ti lo, angasa ti lo, ataba ti lo, da ti lo ti bongo, na aye ti lo kue si ague na lo nga na aye ni na popo-hoto ti Akor.

Ahebro 2:11

Lo so ayeke zia azo nde ndali ti Nzapa, lo na azo ni ayeke gi na Babâ oko. Ndani laa, lo yeke na kamene ti iri ala a-ita ti ni pepe.

Jean 19:34

Mbeni turugu akpo kate ti Jésus na likongo, gi hio tongaso, mene na ngu asigigi daa.

Nzoni Tënë so Luc asu na mbeti 4:29

Ala londo, ala gboto lo asigigi na lo na ya ti kodro ni si ala gue na lo na li ti hoto so ala sara gbata ti ala na ndö ni titene ala pusu lo, abi lo na gbeni ti fâ lo.

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Aye so Nzapa afa 14:20

A do ale ni dongo na gere na ya ti du so ayeke na mbage ti gigi ti gbata ni. Mene alondo na ya ti du ni, asigigi, asuku ngbii, tongana mbarata aluti na ya ni, mene ni ayeke gbu lo na yanga ti lo; mene ni amu ndo kue, alingbi na kilometere ngbangbo ota.