Ahebro 12:21 - Mbeti ti Nzapa - Tënë so amu fini

²¹ Ye so ala baa so ayeke ye ti mbeto mingi, nilaa Moïse atene: “Mbeto agbu mbi mingi si tere ti mbi ayeke do!”

Ahebro 12:21 Referans Kwoze

Sigingo 19:16

Na ota lango ni, na kota ndaperere, bekpa asungba na li ti hoto ni, wâ ti bekpa aza si gba ti nengo mbinda akanga li ti hoto ni. Azo ama toto ti adidi ti akoli-taba so atoto ngangu. Na ya ti bâbâ ni, tere ti azo kue ado na mbeto.

Ndia ti fani use ni 9:19

Mbeto asara mbi ndali ti ngonzo ti KOTA GBIA na sioni ngonzo ti lo. Biani, ngonzo ti lo alondo tongana wâ na tere ti ala si lo ye ti fâ ala kue ti hunzi ala. Me ti so ni, KOTA GBIA akiri ama sambela ti mbi.

Sigingo 19:19

Toto ti adidi ni akiri ague guengo na nduzu. So Moïse ayeke tene tënë, Nzapa ayeke kiri tënë na lo na ya ti toto ti bekpa.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Daniel 10:17

Mbi yeke gi senge zo ti kua ti babâ. Mbi lingbi ti tene tënë na zo tongana mo so tongana nyen? Baa fadeso, mbi yeke na ngangu pepe si pupu ti ya ti mbi ayeke nga daa pepe!’

Daniel 10:8

Tongaso mbi ngba gi mbi oko si mbi yeke baa kota ye so aga na le ti mbi so. Ngangu ti mbi kue ahunzi; mbeto agbu mbi si mbi ga tongana zo so ayeke kui; mbi woko kue.

Ahebro 10:27

Me ye so angba ayeke gi ti ku na kota mbeto na be ngbanga ti Nzapa na kota wâ so ayeke gbi azo so ake Nzapa.