Ahebro 11:37 - Mbeti ti Nzapa - Tënë so amu fini

³⁷ A bo ambeni na têne, a fâ ya ti ambeni use use na sii, a fâ ambeni na yongoro zeme. Ala hinga ndo so ala lingbi ti duti daa pepe si ala hon kirikiri, bongo ti ala ayeke gi poro ti tere ti taba wala ti ngasa. Ye kue atia ala, a sara ala sana si a sara ngangu na ala.

Ahebro 11:37 Referans Kwoze

2 Mbai 24:21

Tongaso azo ni ama tere na hondengo ni na tere ti Zakarii; gbia amu yanga na ala si ala bo lo na têne, ala fâ lo na ya ti gbagba ti kota da ti KOTA GBIA.

Jérémie 26:23

Ala gue, agbu Uria kâ na Ezipte si aga na lo na gbia Yoakim. Yoakim afâ lo; a mu kuâ ti lo si a bi na ya ti du so ayeke ndali ti azo kue.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

2 Agbia 1:8

Ala kiri tënë na lo: “Koli ni ayu mbeni bongo so a sara na kua ti tere ti nyama, lo kanga kamba ti poro ti nyama na ngbonda ti lo.” Tongaso Ahazia atene: “Élie, zo ti gbata ti Tishebe laa!”

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.

Nzoni Tënë so Luc asu na mbeti 13:34

“Jérusalem! Jérusalem! Mo so mo yeke fâ awayanga-Nzapa si mo yeke bo na têne azo so Nzapa atokua ala na mo! Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Matthieu 3:4

Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

1 Agbia 19:14

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

1 Agbia 19:1

Akab afa na wali ti lo Yezabel peko ti aye so kue Élie asara; lo fa nga na Yezabel lege so Élie afâ na awayanga ti nzapa *Baal kue.

1 Agbia 18:13

Kota zo ti mbi, ye so mbi sara na ndembe so Yezabel ato nda ti fâ awayanga-Nzapa so, azo ade ti fa peko ni na mo pepe? Mbi mu lani ambeni wayanga-Nzapa ngbangbo oko si mbi honde ala. Mbi mu ala baleoku, baleoku si mbi honde ala na ya ti akota du ti têne use. Lakue, mbi yeke mu na ala kobe na ngu.

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

2 Samuel 12:31

David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke, ambeni ayeke do ya ti potopoto ti sara na biriki. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.

1 Agbia 19:13

Gi so Élie ama go ni so, lo mu kota bongo ti lo si lo kanga na le ti lo. Lo sigigi na ya ti kota du ni si lo luti na yanga ni. Lo ma mbeni go so atene na lo: “Élie, nyen laa mo yeke sara ge, nyen?”

1 Agbia 19:19

Élie alondo kâ si lo hon. Lo gue, lo wara Élisée, molenge ti Shafat so lo ngba ti fâ yaka na abagara baleuse na osio so a kanga ala use use. Élie ahon nduru na tere ti Élisée, lo mu kota bongo ti lo si lo bi na ndö ti Élisée.

2 Agbia 2:8

Tongaso, Élie azi kota bongo ti lo ti de, lo rule ni si lo pika na le ti ngu ni. Ya ti ngu ni akangbi mbage na mbage. Ala use kue ahon na mbage ti ngu ni kâ na gere na ndö ti kuru sese.

2 Agbia 2:13

Kota bongo ti de so alondo na ndö ti go ti Élie ati so, Élisée amu ni. Na pekoni, lo kiri lo gue na ngu ti Jourdain si lo luti na yanga ti ngu ni.

1 Mbai 20:3

David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.

Zakarii 13:4

Na lango ni so, fade wayanga-nzapa oko oko ayeke sara kamene ti tene peko ti tënë ti yanga ti Nzapa; kamene ti tene peko ti ye so lo baa na ya ti mbeni ye tongana bango-li ayeke sara lo. Fade lo yeke kiri ti handa azo pepe na yungo yongoro bongo ti awayanga-nzapa so a sara na kua ti tere ti nyama.

Ahebro 11:25

Lo yeda ti baa pasi legeoko na azo ti Nzapa, ahon titene lo duti na ngia na ya ti siokpari na ya ti kete ngoi.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.