Ahebro 11:35 - Mbeti ti Nzapa - Tënë so amu fini

³⁵ Na lege ti mabe, ambeni wali akiri awara azo ti ala so akui na peko ti so azo ni azingo na kuâ. Ti ambeni, a sara ala sana; me ala ke titene a sigigi na ala na ya ti sana ni ndali ti so ala ye ti duti na fini so ayeke nzoni ahon ti kozoni na peko ti zingongo ti ala na kuâ.

Ahebro 11:35 Referans Kwoze

Filipe 3:11

Tongaso, ye so mbi zia be ti mbi ti ku ayeke so: mbi nga, fade mbi yeke zingo na kuâ.

Awatokua 9:41

Pierre ayoro maboko, agbu lo si ayo lo na nduzu. Na pekoni, lo iri azo ti Nzapa na awali-mua si lo fa na ala Tabita so ayeke na fini.

Awatokua 24:15

Mbi zia be ti mbi ti ku mbeni ye na mbage ti Nzapa, azo so ayeke bi tënë na li ti mbi ayeke ku nga ni: fade azo ti mbirimbiri na azo ti sioni ayeke zingo na kuâ.

1 Korente 15:54

Tongana tere so ayeke buba aga tere so akiri ti buba pepe si tere so ayeke kui aga tere so alingbi ti kui pepe, fade tënë so Mbeti ti Nzapa atene ayeke ga taa-tënë. Mbeti ni atene: “A buba kuâ biani biani awe, a so benda na ndö ti lo biani awe!”

Awatokua 23:6

So Paul ahinga atene, ambeni zo ni ayeke *asadusien si ambeni ayeke *afarizien, lo dekongo na azo ti Kota Bongbi ti Fango Ngbanga ni, lo tene: “A-ita, mbi yeke farizien, mbi yeke molenge ti afarizien. Ndali ti so mbi yeke zia be ti mbi ti ku zingongo ti akuâ si a ga na mbi na gbe ti ngbanga so.”

Awatokua 22:29

Gi hio tongaso, azo so aye fade ti pika lo titene lo tene tënë so, ala zia lo. So kota komanda ni ahinga atene, Paul ayeke zo ti Rome si lo kanga lo na zingiri, mbeto agbu lo.

Awatokua 4:19

Me Pierre na Jean akiri tënë na ala: “Ti ma yanga ti ala wala ti ma yanga ti Nzapa, so wa laa ayeke nzoni? Ala wani, ala gbu li ti ala na tënë so!

Jean 5:29

si ala yeke zingo na kuâ. Azo so asara aye ti nzoni, fade ala yeke zingo na kuâ ti kiri ti duti na fini; me azo so asara aye ti sioni, ala yeke zingo na kuâ titene a fâ ngbanga na li ti ala.

Nzoni Tënë so Luc asu na mbeti 14:14

Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

Marc 12:25

Biani, na ngoi so azo ayeke zingo ande na kuâ, fade akoli na awali ayeke mu tere pepe, me azo ayeke duti tongana *a-ange na yayu.

Matthieu 22:30

Biani, na lango ti zingongo ti akuâ, fade akoli na awali ayeke mu tere pepe, me azo ayeke duti tongana *a-ange na yayu.

Nzoni Tënë so Luc asu na mbeti 20:36

Ala lingbi nga ti kui pepe, ngbanga ti so ala yeke ga tongana *a-ange. Ala yeke amolenge ti Nzapa, ngbanga ti so ala zingo na kuâ awe.