Ahebro 11:33 - Mbeti ti Nzapa - Tënë so amu fini

³³ Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

Ahebro 11:33 Referans Kwoze

Ahebro 10:36

Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.

Galasii 3:16

Legeoko nga, Nzapa amu azendo na Abraham na *hale ti lo. Mbeti ti Nzapa atene tënë ti “ahale ti lo” pepe; a tene tënë ti azo mingi pepe, gi tënë ti zo oko: “na hale ti mo”, so ti tene Christ.

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.

Ahebro 11:17

Na lege ti mabe, Abraham amu Isaac na *sandaga na Nzapa na ndembe so Nzapa atara be ti lo. Lo mu oko molenge ti lo na sandaga na Nzapa, ataa so Nzapa amu zendo na lo,

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Abia (Psaumes) 144:10

Mo laa mo sara si agbia aso benda; mo laa mo zi David, zo ti kua ti mo, na yanga ti sioni yongoro zeme.

Abia (Psaumes) 91:13

Mo yeke tambula na ndö ti bamara nga na ndö ti sioni ngbo, mo yeke do sioni nyama nga na angbo na gbe ti gere ti mo.

Awafango-ngbanga 4:1

Na peko ti kuâ ti Ehud, azo ti Israel akiri asara ye so ayeke sioni na le ti *KOTA GBIA.

1 Samuel 12:4

Azo ti Israel atene: “Mo mu ye ti e na haram pepe. Mo sara ngangu na e pepe. Mbeni zo oko apete nga goro na mo pepe.”

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

2 Samuel 10:12

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”

1 Agbia 13:28

Lo londo, lo gue, lo wara kuâ ti zo ti Nzapa so ayeke na ndö ti lege. Lele na bamara ayeke luti na tere ti kuâ ni. Bamara ni ate kuâ ni pepe, lo suru nga ya ti lele ni pepe.