Ahebro 11:14 - Mbeti ti Nzapa - Tënë so amu fini

¹⁴ Azo so ayeke tene tënë tongaso, ala ye ti fa na le ti azo polele so, ala yeke gi mbeni kodro titene aga ti ala.

Ahebro 11:14 Referans Kwoze

2 Korente 4:18

Ye so le ti zo ayeke baa, ni laa e yeke gi pepe, me e yeke gi ye so le ti zo ayeke baa ni pepe. Ye so le ti zo ayeke baa ayeke gi ndali ti kete ngoi, me ye so le ti zo ayeke baa pepe, ni laa ayeke ngba lakue lakue.

Ahebro 13:14

Biani, ge na ndö ti sese so, mbeni kodro so ayeke ngba lakue lakue titene e duti daa ayeke pepe, me e yeke gi lege ti kodro so e yeke duti daa gbanda.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Sigingo 2:22

Sefora adu molenge-koli si Moïse adi iri ti lo Gershom, so ti tene ‘Gene na ndo so’. Biani, Moïse atene lani, atene: “Mbi yeke gene na sese ti awande.”

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 11:15

Tongana be ti azo ni so angba ando na ndö ti kodro so ala londo daa si aga so, ka lege ti kiri kâ ayeke daa.