Ahebro 11:12 - Mbeti ti Nzapa - Tënë so amu fini

¹² Ndani laa, gi na lege ti zo oko so aga nduru na kuâ awe, a du azo mingi si ala ga gbani gbani tongana atongoro ti le ti nduzu, tongana mbutu ti yanga ti kota ngu-ingo so zo alingbi ti diko ni pepe.

Ahebro 11:12 Referans Kwoze

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Tongo nda ti aye 32:12

Mbi gbu gere ti mo, zi mbi na maboko ti ita ti mbi Ezau, ngbanga ti so mbeto ti lo asara mbi, mbeto titene lo ga lo fâ mbi, na amama ni legeoko na amolenge ni.

Jérémie 33:22

Fade mbi yeke sara titene ahale ti zo ti kua ti mbi, David, na ahale ti Lévi so ayeke sara kua na mbi, ala wu tongana atongoro ti le ti nduzu so zo alingbi ti diko wungo ni pepe, wala tongana mbutu ti yanga ti kota ngu-ingo so zo alingbi ti diko ni pepe.”

Tongo nda ti aye 15:5

Na pekoni, KOTA GBIA amu Abram, asigigi na lo si atene na lo: “Baa ndo na le ti nduzu, mo diko atongoro tongana mo lingbi ti diko ni.” Lo kiri lo tene na Abram: “Fade *Ahale ti mo ayeke ga mingi mingi tongaso.”

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Aye so Nzapa afa 20:8

Lo yeke hon ti gue ti handa amara so ayeke na ndangoro osio ti sese kue, so ti tene Gog na Magog. Satan ayeke bongbi ala ndali ti bira. Wungo ti ala ayeke tongana wungo ti mbutu ti yanga ti kota ngu-ingo.

Ésaïe 10:22

Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Sigingo 32:13

Dabe ti mo na azo ti kua ti mo Abraham, Isaac na Jacob, ala so mo wani, mo deba yanga ti mo na ala, mo tene: ‘Fade mbi yeke sara titene *ahale ti ala awu tongana atongoro ti le ti nduzu. Sese so mbi mu zendo ni na ala, fade mbi yeke mu ni na ahale ti ala si aga ye ti ala kpu na kpu.’ ”

Ésaïe 48:19

Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Néhémie 9:23

Mo sara si *ahale ti ala awu mingi tongana atongoro ti yayu. Mo sara si ala li na sese so mo hunda ando na akotara ti ala titene ala gue, amu ni si aga ti ala.

1 Mbai 27:23

Azo so ngu ti ala ayeke baleuse na ala so ngu ti ala ayeke na gbe ti ngu baleuse, David adiko wungo ti ala pepe. Biani, *KOTA GBIA atene lani atene, fade lo yeke sara titene azo ti Israel awu mingi tongana atongoro ti le ti nduzu.

1 Agbia 4:20

Azo ti kodro-gbia ti Juda na ti Israel awu mingi, tongana mbutu ti yanga ti kota ngu-ingo. Azo ni ayeke te, ala yeke nyon si ala yeke duti na ngia.

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

1 Samuel 12:5

Samuel akiri tënë na ala: “KOTA GBIA na gbia so lo soro lo ama tënë ti yanga ti ala laso awe. Ala wara mbeni tënë na li ti mbi pepe.” Azo ti Israel akiri tënë: “Een! KOTA GBIA ama tënë ti e awe.”

Awafango-ngbanga 7:12

Azo ti Madian, azo ti Amalek na ambeni mara ti mbage ti To amu ya ti lando ni gbani gbani tongana angadi; wungo ti *azambala ti ala ayeke tongana wungo ti mbutu ti yanga ti kota ngu-ingo.

Josué 11:4

Agbia so kue alondo, ala na aturugu ti ala kue, ala mu lege ti gue. Ala wu mingi tongana mbutu ti yanga ti kota ngu-ingo. Ala yeke na ambarata nga na apusu ti mbarata gbani gbani.

Ndia ti fani use ni 28:62

So lani ala, azo ti Israel, ala wu tongana atongoro ti le ti nduzu so, fade wungo ti ala ayeke ngba gi kete, ngbanga ti so ala ke fade ti ma yanga ti KOTA GBIA Nzapa ti ala.

Ndia ti fani use ni 1:10

*KOTA GBIA Nzapa ti ala asara si ala wu mingi awe. Laso, ala wu mingi tongana atongoro ti le ti nduzu.

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Habakuk 1:9

Ala yeke ga, kua ti ala ayeke gi ti sarango ngangu na zo, le ti ala angba gi na dawa ti ala; ala bongbi azo ti kanga gbani gbani tongana mbutu.