Ahebro 10:35 - Mbeti ti Nzapa - Tënë so amu fini

³⁵ Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 10:35 Referans Kwoze

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Nzoni Tënë so Luc asu na mbeti 14:14

Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Matthieu 10:32

“Zo so kue atene na le ti azo atene, ni yeke zo ti mbi, fade mbi nga, mbi yeke tene na le ti Babâ ti mbi so ayeke na yayu, mbi tene, lo yeke zo ti mbi.

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Abia (Psaumes) 19:11

Aye ni kue ayeke nzoni mingi ahon lôro, ahon gba ti lôro ti nzoni ni; aye ni anzere ahon mafuta ti wotoro, anzere ahon mafuta ti wotoro ti nzoni ni.

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Efeze 3:12

Na lege so e ga oko na Jésus Christ si e ma na be na lo, e lingbi ti ga nduru na Nzapa na mbeto pepe.

Ahebro 10:19

Tongaso a-ita, ndali ti mene ti Jésus, lege azi na e polele ti li na ndo ti nzoni kue ti Nzapa.

2 Jean 1:8

Ala sara hange! Tongaso, fade ye ti peko ti kua ti e agirisa na maboko ti ala pepe, me ala wara futa ti kua ti ala kue.