Ahebro 10:28 - Mbeti ti Nzapa - Tënë so amu fini

²⁸ Ando, zo so ake ti sara ye alingbi na *Ndia ti Moïse, tongana azo use wala ota abaa lo si atene tënë ni, azo ayeke mu zo ni ti fâ lo; mbeni zo ti baa mawa ti lo ayeke daa pepe.

Ahebro 10:28 Referans Kwoze

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Ndia ti fani use ni 19:15

Moïse atene: Tongana mbeni zo asara sioni wala lo sara mbeni mara ti siokpari wa, tënë ti yanga ti zo oko alingbi pepe titene ala fâ ngbanga na li ti zo ni. Alingbi azo use wala ota abaa zo ni na sarango ye ni si tënë ni aduti taa-tënë.

2 Korente 13:1

Fani ota titene mbi gue na ndo ti ala kâ laa. Andaa Mbeti ti Nzapa atene: “Na lege ti tënë ti yanga ti azo use wala ota so ahinga tënë ni laa alingbi ti leke tënë ni nzoni.”

Jean 8:17

*Ndia ti ala wani atene: ‘Tongana azo use afa peko ti mbeni tënë si yanga ti ala ague oko, tënë ti ala ayeke taa-tënë.’

Matthieu 18:16

Me tongana lo ke ti ma mo, mo mu zo oko wala azo use na tere ti mo ti kiri ti baa lo, tongaso si ‘na lege ti tënë ti yanga ti azo use wala ota so ahinga tënë ni, ala leke tënë ni nzoni’, tongana ti so Mbeti ti Nzapa atene.

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

Ndia ti fani use ni 19:13

Fade ala yeke baa mawa ti zo so pepe. Tongaso, fade ala yeke zi na sese ti Israel mene ti mbeni zo so asara sioni pepe si a fâ lo; tongaso ala yeke duti nzoni.

Wungo ti azo 15:36

Bongbi ti azo ni asigigi na lo na ya ti bâbâ ni, ala bo lo na têne si lo kui alingbi na yanga so KOTA GBIA amu na Moïse.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Rome 9:15

Biani, Nzapa atene na Moïse: “Fade mbi yeke baa mawa ti zo so mbi ye ti baa mawa ti lo, mbi yeke sara nzoni be na zo so mbi ye ti sara nzoni be na lo.”

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

2 Samuel 12:9

Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?