Ahebro 10:21 - Mbeti ti Nzapa - Tënë so amu fini

²¹ E yeke na mbeni kota wayango-sandaga so a mu na lo komandema na ndö ti da ti Nzapa.

Ahebro 10:21 Referans Kwoze

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 8:1

Kota tënë so e ye ti luti na ndö ni ayeke so: e yeke na mara ti kota wayango-sandaga so, lo yeke duti na yayu na tere ti mbata ti Gbia Nzapa na mbage ti maboko ti lo ti koli, Nzapa so ngangu ti lo ahon ndoni.

Ahebro 6:20

Jésus ali na ndo so kozo ti e nga ndali ti e. Lo ga kota wayango-sandaga kpu na kpu tongana ti Melkisedeke.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.