Ahebro 10:20 - Mbeti ti Nzapa - Tënë so amu fini

²⁰ Na popo ti ridoo so akangbi ya ti kota da ti Nzapa, Christ azi na e mbeni fini lege so e yeke mu ni ti duti na fini; lo sara so na lege ti tere ti lo ti zo.

Ahebro 10:20 Referans Kwoze

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.

Ahebro 9:8

Na lege so, Yingo-Vuru ayeke fa atene, so kozo da ti bongo ni angba so, lege ti si na use ndo ni ade ti zi pepe, ndo so ayeke nde si ayeke nzoni kue ahon atanga ni.

Ahebro 6:19

Ti fini ti e ayeke nga tongaso: ye so e zia be ti e ti ku ayeke tongana nengo wen so a yeke bi na ya ti ngu, agbu mangboko si aluti mbirimbiri. Ye so e zia be ti e ti ku ayeke ye so aluti mbirimbiri, ye ni ahon na ya ti ridoo so a kanga na ya ti kota da ti Nzapa so ayeke na yayu, ague ngbii asi na ndo so ayeke nde si ayeke nzoni kue ahon atanga ni.

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

1 Jean 4:2

Lege so ala lingbi ti hinga Yingo ti Nzapa ayeke so: zo so kue atene na yanga ti lo, Jésus Christ aga zo biani, lo yeke na Yingo so alondo na Nzapa.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Nzoni Tënë so Luc asu na mbeti 23:45

Le ti lâ avuko vukongo; ridoo so a kanga na ya ti kota da ti Nzapa, ya ni asuru use, taa na be ni.

Marc 15:38

Ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni.

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Awayango-sandaga 16:2

“Mo tene na ita ti mo Aaron, mo tene: Alingbi lo li na ngoi kue pepe na ndo so ayeke nde si ayeke nzoni kue ahon atanga ni si ayeke na peko ti ridoo so; ndo ni ayeke baa le na *ye ti kangango na yanga ti sanduku ti mbuki. Tongana lo li kâ, lo lingbi ti kui na ndembe so mbi yeke ga ande na ya ti mbinda na ndö ti ye ti kangango na yanga ti sanduku ti mbuki ni.

2 Jean 1:7

Azo ti mvene asi singo, ala mu ndö ti dunia kue; ala yeke tene na azo atene, Jésus Christ amu ando tere ti zo pepe. Lege so ala yeke hinga na zo ti mvene, Wato ti Christ laa.

Efeze 2:15

*Ndia ti Moïse so atene na zo, atene: “Mo sara so, mo sara so!”, Christ amingo ni awe. Lo sara tongaso ti bongbi azuife na azo ti amara nde titene ala ga mara oko, na lege ti gango so ala use kue aga oko na lo; Christ asara so ti zia siriri na popo ti ala.

Awayango-sandaga 21:23

Me ndali ti so mbeni mbage ti tere ti lo abuba, lo lingbi ti gue nduru na ridoo wala nduru na gbalaka pepe. Ndo so a zia nde ndali ti mbi na aye ti ndo ni kue, alingbi lo sara si aga sioni pepe. Mbi laa mbi yeke KOTA GBIA so mbi yeke sara titene ala duti nde si ala duti nzoni kue.”

Awayango-sandaga 16:15

Koli-ngasa so a ga na lo ndali ti zingo siokpari na li ti azo ni, lo yeke fâ go ti lo, lo mu mene ni ti gue na ni na peko ti ridoo so akangbi ya ti da ni. Gi oko ye so lo sara na mene ti koli-bagara ni, ni laa lo yeke sara na mene ti koli-ngasa ni. Lo yeke fi mene ni na tere ti ye ti kangango na yanga ti sanduku ti mbuki ni nga na dawa ti ye ti kangango na yanga ti sanduku ti mbuki ni.