Ahebro 1:9 - Mbeti ti Nzapa - Tënë so amu fini

⁹ Mo ye gi ye ti mbirimbiri si mo ke ye ti sioni. Ndani laa Nzapa, Nzapa ti mo asoro mo na popo ti amba ti mo si atuku mafuta ti matanga na li ti mo.”

Ahebro 1:9 Referans Kwoze

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Abia (Psaumes) 23:5

Mo leke kobe ti matanga ndali ti mbi si mbi duti ti te ni na le ti awato ti mbi. Mo tuku yombo na li ti mbi ti yamba na mbi, kopo ti mbi asi ahon ndoni.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

Filipe 2:9

Ndani laa, Nzapa amu lo na nduzu, azia lo na kota ndo, amu na lo iri so ayeke kota ahon a-iri kue.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

1 Korente 1:9

Nzapa ayeke sara ye alingbi na tënë ti yanga ti lo: lo laa lo iri e titene e duti na beoko na Molenge ti lo Jésus Christ, Kota Gbia ti e.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Jean 1:41

Kozo zo so André awara lo ayeke ita ti lo Simon; André atene na lo: “E wara *Mesii awe.” – Nda ti Mesii atene “Christ”. –

Abia (Psaumes) 119:128

Mbi baa so andia ti mo ayeke mbirimbiri, be ti mbi ake alege kue ti mvene.

Abia (Psaumes) 119:104

Ndali ti andia ti mo, mbi ga zo ti hingango nda ti aye, tongaso si mbi ke alege kue ti mvene.

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Abia (Psaumes) 33:5

KOTA GBIA aye ye so ayeke mbirimbiri na ye so ayeke na legeni; sese kue asi singo na nzoni be ti lo.

Aye so Nzapa afa 2:15

Na ndo ti mo nga, ambeni zo amu tere ti ala kue ti sara ye so azo ti mungo peko ti Nicolas ayeke fa.

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Abia (Psaumes) 89:26

Mbi yeke sara titene lo duti na komandema na ndö ti kota ngu-ingo nga na ndö ti *abale.

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Abia (Psaumes) 37:28

Biani, KOTA GBIA aye sarango ye ti mbirimbiri, lo yeke zia azo ti lo pepe. Lo yeke bata ala lakue; me ti ahale ti azo ti sioni, lo yeke bi ala na gigi.

Abia (Psaumes) 11:5

Be ti KOTA GBIA anzere na zo ti mbirimbiri; me be ti lo ake zo ti sioni nga na zo so kua ti lo ayeke ti sara ngangu na amba ti lo.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Ahebro 2:11

Lo so ayeke zia azo nde ndali ti Nzapa, lo na azo ni ayeke gi na Babâ oko. Ndani laa, lo yeke na kamene ti iri ala a-ita ti ni pepe.

Abia (Psaumes) 45:6

Yanga ti ale ti kokora ti mo aza mingi, fade ayeke koro be ti awato ti mo, gbia. Biani, fade azo kue ayeke ti na gbe ti mo.

Jean 10:17

Babâ ti mbi aye mbi, ngbanga ti so mbi yeke ka fini ti mbi si mbi yeke kiri ti wara ni.

Awatokua 4:26

Agbia ti sese alondo ti tiri bira, amakonzi ti akodro ama tere ti ke *Kota Gbia na *Mesii ti lo.’

Ahebro 2:9

Me ye so e baa ni ayeke so: Nzapa akiri na Jésus na gbe ti a-ange ndali ti kete ngoi. Na lege ti nzoni be ti Nzapa, Jésus akui ndali ti azo kue, nilaa Nzapa asara si azo agonda lo mingi si ane lo ndali ti kuâ so lo kui.

Wungo ti azo 7:43

Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.