Ahebro 1:11 - Mbeti ti Nzapa - Tënë so amu fini

¹¹ Fade aye so kue ayeke buba, me mo yeke ngba ti mo. Biani, fade aye so kue ayeke ga tongana ngbene bongo so awoko awe.

Ahebro 1:11 Referans Kwoze

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Marc 13:31

Fade yayu na sese ayeke hon, me atënë ti mbi ayeke hon oko pepe.”

Ésaïe 34:4

Aye so kue ayeke na le ti nduzu ayeke hon kirikiri, le ti nduzu ayeke rule tere ti lo tongana mbeni mbeti. Aye so kue ayeke na le ti nduzu ayeke tuku tongana aholengo kugbe ti keke ti vinye wala ti keke ti fige.

Aye so Nzapa afa 21:1

Na pekoni, mbi baa fini yayu na fini sese. Kozo yayu na kozo sese ahon awe si kota ngu-ingo ayeke daa mbeni pepe.

Nzoni Tënë so Luc asu na mbeti 21:33

Fade yayu na sese ayeke hon, me atënë ti mbi ayeke hon oko pepe.”

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Ahebro 12:27

Tënë ti yanga ti Nzapa so atene: “Fade mbi yeke kiri” so aye ti fa atene, aye so kue lo leke ni alingbi ti yingi si fade ayeke hon; me aye so alingbi ti yingi pepe, ni laa ayeke ngba.

Ésaïe 65:17

Biani, mbi yeke sara fini yayu na fini sese. Aye so ahon awe so, zo ayeke kiri ti dabe ti lo na ni pepe, be ti zo ayeke kiri ti ti na ndö ni pepe.

Abia (Psaumes) 90:2

Kozoni si ahoto abaa gigi, kozoni si mo sara sese na dunia, mo yeke Nzapa ngbene ye kpu na kpu, lakue lakue!

Abia (Psaumes) 10:16

KOTA GBIA ayeke gbia kpu na kpu; amara nde angba na ya ti kodro ti lo mbeni pepe.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.

Aye so Nzapa afa 2:8

“Su mbeti so, mo tokua na *ange so ayeke na li ti *Eglize ti gbata ti Simirne: “Baa, lo so lo yeke kozo ni si lo yeke ndangba ni, lo so akui si lo kiri na fini, atene:

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Ésaïe 50:9

Kota Gbia NZAPA laa ayeke mu na mbi maboko. Zo wa laa alingbi ti fâ ngbanga na li ti mbi? Biani, fade awato ti mbi ayeke buba kue tongana gbagba bongo so akangi ate ni kue.

Ésaïe 41:4

Zo wa laa asara aye so kue, zo wa? Lo laa lo sara si aye abaa gigi, ngbene ye na tongo nda ni. Mbi laa mbi yeke *KOTA GBIA. Mbi yeke lo so ayeke kozoni, mbi yeke ngba tongaso na tere ti aye ti ndangba ni.

Abia (Psaumes) 29:10

KOTA GBIA aduti gbia na ndö ti ngu so asuku amu ndo kue; KOTA GBIA aduti gbia kpu na kpu.

Ésaïe 51:8

Fade kangi ayeke te ala tongana ti so lo yeke te bongo, kangi ayeke te ala tongana ti so lo yeke te bongo so a sara na kua ti tere ti taba. Me songo so mbi yeke ga ti soo azo na kuâ ayeke ngba lakue, zingo azo ayeke ngba kpu na kpu.”

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Abia (Psaumes) 102:26

Mo laa mo lu gere ti sese ando giriri, yayu ayeke ye so maboko ti mo asara.

Ahebro 8:13

So Nzapa atene tënë ti fini mbuki so, lo sara si kozo mbuki ni aga ngbene ye. E hinga so, ye so aga ngbene ye si aga gbagbara ni, aga nduru ti hon awe.