Aggée 2:15 - Mbeti ti Nzapa - Tënë so amu fini

¹⁵ *KOTA GBIA akiri atene: “Fadeso, ala gbu li ti ala nzoni na aye so ayeke si, ti londo laso ti gue na ni. Kozo titene ala do atêne na ndoni na ndoni ti sara na kota da ti KOTA GBIA,

Aggée 2:15 Referans Kwoze

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:7

Tënë so KOTA GBIA so ayeke na ndö ti dunia kue atene ayeke so: Ala gbu li ti ala nzoni na ndö ti aye so ayeke si na ala.”

Esdras 4:24

Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Aggée 2:18

Ala gbu li ti ala nzoni na aye so ayeke si, ti londo laso ti gue na ni. Laso, na lango baleuse na osio ti nze gumbaya ni si a zia gere ti kota da ti KOTA GBIA; be ti ala agirisa na ni pepe.

1 Korente 11:31

Tongana e wani, e baa fade be ti e nzoni kozoni, ka Kota Gbia afâ ngbanga na li ti e pepe.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Ésaïe 5:12

Na ya ti matanga ti ala, ala yeke pika kundi na kete kundi, ala yeke pika ngo, ala yeke huru *ngoli. Me ala yeke baa ndo pepe na ye so KOTA GBIA asara, ala yeke baa kua so lo sara pepe.

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Aggée 2:16

nyen laa asi na ala, nyen? Mbeni zo abaa ti lo atene, ni yeke gue ti mu sakpa ti kobe baleuse na ya ti gogoro, me lo wara gi sakpa baleoko. Mbeni zo apete vin ti lo na ya ti du, lo baa ti lo, lo tene, ni yeke wara litere baleoku, me lo wara gi litere baleuse.

Zakarii 8:10

Kozoni, zo ayeke wara futa ti kua ti lo pepe, nyama ayeke wara nga futa ti kua ti lo pepe. Ndali ti awato, azo alingbi ti fono na siriri pepe. Biani, mbi zia zo oko oko ti tiri na mba ti lo.

Zakarii 8:11

Me fadeso, ye so mbi sara ando so, mbi yeke kiri ti sara ni pepe na tanga ti azo so angba na fini so; so tënë ti yanga ti KOTA GBIA so ayeke na ndö ti dunia kue laa.