Abia (Psaumes) 1:4 - Mbeti ti Nzapa - Tënë so amu fini

⁴ Me ti azo ti sioni, ye ni ayeke tongaso pepe: ala yeke tongana poro ti ale ti kobe so a pe ya ni si pupu amu ahon na ni.

Abia (Psaumes) 1:4 Referans Kwoze

Mbeti ti Job 21:18

Azo ayeke tene: “Ayeke nzoni ala ga tongana pere so pupu amu ahon na ni; tongana holengo pere so kota pupu amu ahon na ni.”

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Abia (Psaumes) 35:5

Na ndembe so *ange ti KOTA GBIA ayeke tumba ala, ayeke nzoni ala ga tongana poro ti le ti kobe so pupu amu ahon na ni.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Osée 13:3

Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Mbeti ti Job 8:13

Baa ye so ayeke si na azo so agirisa Nzapa laa; ye so zo ti sioni azia be ti lo ti ku ayeke hon tongaso.

Abia (Psaumes) 37:36

Me lo hon awe, lo yeke daa mbeni pepe; mbi gi lo, me mbi wara lo pepe.

Jérémie 13:24

Mbi yeke kangbi ala kirikiri tongana pere so pupu ti benyama amu ahon na ni.