3 Jean 1:8 - Mbeti ti Nzapa - Tënë so amu fini

⁸ Tongaso, alingbi e mu maboko na azo tongaso si e na ala kue, e sara kua maboko na maboko ndali ti taa-tënë.

3 Jean 1:8 Referans Kwoze

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

Philémon 1:24

Marc, Aristarke, Demas na Luc, amba ti mbi, azo ti kua, ala nga abara mo.

Philémon 1:2

E tokua nga mbeti so na ita ti e ti wali Apia, lo na Arshipe, mba ti e so abongbi na e ti tiri bira; e tokua nga mbeti so na azo ti *Eglize so ayeke bongbi na da ti mo.

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

Kolose 4:11

Jésus, so mbeni iri ti lo ayeke Yustus, lo nga, lo bara ala. Gi azuife ota so e na ala e sara kua ndali ti *Kodro-gbia ti Nzapa so laa. A-ita so amu ngangu na be ti mbi mingi.

Filipe 4:3

Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

2 Korente 8:23

Ti Tite, lo yeke zo so mbi na lo, e yeke tambula; lo yeke mba ti mbi so mbi na lo, e yeke sara kua ndali ti ala. Ti a-ita so lo na ala ayeke gue so, ala yeke azo so a-Eglize atokua ala, ala yeke sara kua ndali ti gonda ti Christ.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Nzoni Tënë so Luc asu na mbeti 11:7

Tongana mba ti lo ni angba gi na ya ti da kâ si atene na lo: ‘Zia mbi kpoo! E kanga yanga ti da awe; mbi na amolenge ti mbi, e yeke na gbogbo awe, lege titene mbi londo ti mu na mo mapa ayeke daa pepe’;

Matthieu 10:40

“Zo so ayamba ala, andaa lo yamba mbi; zo so ayamba mbi, andaa lo yamba lo so atokua mbi

Matthieu 10:14

Tongana ala si na ya ti mbeni da, wala na ya ti mbeni gbata si azo ni ake ti yamba ala, wala azo ni ake ti ma tënë ti ala, ayeke nzoni ala zia ndo ni so ahon. Na hongo ti ala, ala pika sese ti gbe ti gere ti ala.

3 Jean 1:7

Biani, ala yeke tambula ti sara kua ti Christ, ala ke ti wara ye na maboko ti azo ti amara nde.

3 Jean 1:9

Mbi su fade mbeni nduru mbeti si mbi tokua ni na *Eglize; me Diotrefe so aye lakue gi ti duti na komandema na ndö ti amba ti lo, lo ke ti ma yanga ti e.

Abia (Psaumes) 94:16

Zo wa laa ayeke gbu ande koko ti mbi ti kanga lege na azo ti sioni so, zo wa? Zo wa laa ayeke mu mbage ti mbi ti kanga lege na azo ti sarango sioni so, zo wa?