3 Jean 1:7 - Mbeti ti Nzapa - Tënë so amu fini

⁷ Biani, ala yeke tambula ti sara kua ti Christ, ala ke ti wara ye na maboko ti azo ti amara nde.

3 Jean 1:7 Referans Kwoze

Aye so Nzapa afa 2:3

Mo kanga be ti mo: mo baa pasi ndali ti mbi, be ti mo awoko pepe.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

2 Korente 12:13

Nyen laa ambeni *Eglize awara si ala wara ti ala pepe so? Gi ye so mbi sara na ala pepe, ayeke so mbi ga tongana kungba na ndö ti ala pepe. Ala zi tënë na li ti mbi ndali ti sioni so mbi sara so!

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

1 Korente 9:18

Tongaso, futa ti mbi ayeke nyen? Futa ti mbi ayeke ti fa Nzoni Tënë na azo gi senge senge. Ataa so Nzoni Tënë amu na mbi lege fade ti hunda ye na maboko ti ala, mbi sara so pepe.

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

Awatokua 8:4

Azo ti Jésus so akangbi kirikiri ague na ando nde nde si ala yeke fa Nzoni Tënë.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Jean 15:21

Me fade azo ayeke sara ye so kue na ala ndali ti iri ti mbi, ngbanga ti so azo ni ahinga lo so atokua mbi pepe.

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Filipe 2:9

Ndani laa, Nzapa amu lo na nduzu, azia lo na kota ndo, amu na lo iri so ayeke kota ahon a-iri kue.

3 Jean 1:8

Tongaso, alingbi e mu maboko na azo tongaso si e na ala kue, e sara kua maboko na maboko ndali ti taa-tënë.