3 Jean 1:5 - Mbeti ti Nzapa - Tënë so amu fini

⁵ Ita ti mbi so mbi ye mo mingi, mo yeke sara ye alingbi na mabe ti mo tongana mo yeke mu maboko na a-ita, ataa so mo hinga le ti ala kozoni pepe.

3 Jean 1:5 Referans Kwoze

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Rome 12:13

Ala mu maboko na azo ti Nzapa so ye atia ala, ala yamba agene nzoni.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.

3 Jean 1:3

Lani ambeni ita asi, ala tene na mbi atene, mo ngba lakue na lege ti taa-tënë si mo ngba ti sara ye lakue na lege ti taa-tënë. Tënë so anzere na be ti mbi mingi.

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

Matthieu 25:16

Lo so lo wara ale ti lôro ngbangbo oku so ague hio si lo de buze na ni, lo kiri lo wara ambeni le ti lôro ngbangbo oku na ndö ni.