3 Jean 1:11 - Mbeti ti Nzapa - Tënë so amu fini

¹¹ Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.

3 Jean 1:11 Referans Kwoze

Abia (Psaumes) 37:27

Mo kpe lege ti sioni, mo sara nzoni ye, fade mo yeke ngba na ya ti kodro ni lakue.

Efeze 5:1

Ala yeke amolenge so Nzapa aye ala mingi. Tongaso, ayeke nzoni ala sara ye tongana lo.

1 Pierre 3:11

lo zia ti sara sioni ye si lo sara nzoni ye; lo gi lege ti siriri, lo ngba daa.

Jean 3:20

Zo so kue ayeke sara ye ti sioni, lo ke tënë ti lumiere; lo ye ti ga na ya ti lumiere pepe, ngbanga ti so lo kpe titene asioni ye so lo yeke sara asigigi polele.

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.

1 Pierre 3:13

Tongana ala mu be ti ala kue ti sara nzoni ye, zo wa laa alingbi ti sara ye ti sioni na ala, zo wa?

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.

1 Tesalonike 2:14

Biani, a-ita, azo ti Tesalonike, ala sara ye awe gi tongana ti azo ti *Eglize ti Nzapa so ayeke na sese ti Judée, ala so aga oko na Jésus Christ so. Ala baa pasi na maboko ti azo ti kodro ti ala wani tongana ti so azo ti Eglize ti Judée abaa pasi na maboko ti azuife.

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Sigingo 23:2

Tongana gba ti azo aye ti sara sioni, ala mu peko ti azo ni pepe. Tongana gba ti azo aye ti tene mvene na le ti ngbanga, ala mu peko ti azo ni pepe, tongana azo ni aye ti fâ ngbanga ni na legeni pepe.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

1 Korente 11:1

Ala sara ye tongana mbi, tongana ti so mbi yeke sara ye tongana Christ.

1 Korente 4:16

Tongaso, mbi hunda na ala mingi titene ala sara ye tongana mbi.

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Filipe 3:17

A-ita ti mbi, ala mu tapande ti mbi. Le ti ala angba na ndö ti tapande ti azo so ayeke sara ye alingbi na ti so ala baa e na sarango ni.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.