3 Jean 1:10 - Mbeti ti Nzapa - Tënë so amu fini

¹⁰ Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

3 Jean 1:10 Referans Kwoze

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Amato 10:10

Zo so ate le na amba ti lo, lo zia vundu na be ti azo; me zo so ayeke diko abuba tënë, lo yeke gi titene gigi ti lo abuba.

2 Korente 13:2

Mbi yeke tene tënë so na azo so asara siokpari kozo so, ala na atanga ni kue; fadeso mbi yeke na popo ti ala pepe, me mbi kiri ti tene gi tënë so mbi tene lani na ala na ndembe so mbi gue na ndo ti ala ti fani use ni: tongana mbi kiri ande ti gue, fade mbi yeke zia zo oko senge pepe,

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Amato 10:8

Zo so ayeke na nzoni gbungo-li, lo yeke yeda na andia so a fa na lo; me zo so ayeke diko abuba tënë, lo yeke gi titene gigi ti lo abuba.

3 Jean 1:5

Ita ti mbi so mbi ye mo mingi, mo yeke sara ye alingbi na mabe ti mo tongana mo yeke mu maboko na a-ita, ataa so mo hinga le ti ala kozoni pepe.

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

2 Jean 1:10

Tongana mbeni zo asi na ala si lo fa mbeni tënë nde, ala yamba lo na da ti ala pepe, ala tene nga na lo pepe: “Nzoni gango!”

2 Jean 1:12

Mbi yeke na atënë mingi ti tene na ala, me mbi ye ti mu keke ti mbeti ti su atënë ni na le ti mbeti pepe. Biani, mbi ye ti si na ndo ti ala titene mbi na ala, e tene tënë na yanga si ngia ti e alingbi kue.

3 Jean 1:3

Lani ambeni ita asi, ala tene na mbi atene, mo ngba lakue na lege ti taa-tënë si mo ngba ti sara ye lakue na lege ti taa-tënë. Tënë so anzere na be ti mbi mingi.