2 Timothée 2:13 - Mbeti ti Nzapa - Tënë so amu fini

¹³ tongana e sara ye alingbi na tënë ti yanga ti e pepe, ti lo, lo yeke ngba ti sara ye lakue alingbi na tënë ti yanga ti lo. Biani, lo lingbi ti bere tënë ti yanga ti lo wani pepe.”

2 Timothée 2:13 Referans Kwoze

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Rome 3:3

Nyen? So ambeni zuife ake ti bata tënë ti yanga ti lo so, so laa akanga lege na Nzapa ti bata tënë ti yanga ti lo?

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

1 Tesalonike 5:24

Nzapa so airi ala, lo yeke sara ye alingbi na tënë ti yanga ti lo: fade lo yeke sara ye so kue.

1 Korente 1:9

Nzapa ayeke sara ye alingbi na tënë ti yanga ti lo: lo laa lo iri e titene e duti na beoko na Molenge ti lo Jésus Christ, Kota Gbia ti e.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Rome 9:6

So aye ti tene pepe atene, peko ti tënë ti yanga ti Nzapa ayeke ngba senge. Biani, azo so ayeke ahale ti Israel, ala kue laa ayeke taa azo ti Israel pepe.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.