2 Timothée 2:11 - Mbeti ti Nzapa - Tënë so amu fini

¹¹ Tënë so ayeke taa-tënë: “Tongana e na lo, e kui, fade e na lo kue, e yeke kiri na fini;

2 Timothée 2:11 Referans Kwoze

Rome 6:8

Me so e na Christ e kui awe so, e ma na be so e na lo, e yeke duti nga na fini.

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,

Rome 6:5

Biani, so e ga oko biani na Christ na lege ti kuâ so e kui tongana lo, e yeke ga nga oko na lo na lege ti zingongo na kuâ tongana ti lo.

2 Korente 4:10

Na ngoi kue, e yeke yo na ya ti tere ti e kuâ ti Jésus, tongaso si azo alingbi ti baa fini ti Jésus na ya ti tere ti e ti zo.

Jean 14:19

Ngoi angba gi kete si azo ti dunia so ayeke kiri ti baa mbi pepe. Me ti ala, fade ala yeke baa mbi, ngbanga ti so mbi yeke na fini si ala nga, ala yeke duti na fini.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

1 Tesalonike 5:10

so akui ndali ti e, tongaso si, ataa e ngba na fini wala e kui, e duti na fini oko na lo.

1 Tesalonike 4:17

Na pekoni, e so e yeke ngba ande na fini, fade a yeke mu e na ala kue ti gue na e na ya ti ambinda titene e tengbi na Kota Gbia na nduzu kâ. Tongaso, e yeke duti na tere ti Kota Gbia lakue lakue.

2 Korente 13:4

Biani, a fâ lo na ndö ti keke ti kroa ndali ti so lo yeke na ngangu pepe, me fadeso, lo yeke na fini na lege ti ngangu ti Nzapa. Ndali ti so e ga oko na lo, e nga, e yeke na ngangu pepe, me fade e yeke fa na ala so, e yeke na fini na lege ti ngangu ti Nzapa.

1 Timothée 3:1

Tënë so ayeke taa-tënë: tongana zo aye ti ga zo ti li ti *Eglize, andaa nzoni kua laa lo ye ni so.