2 Tesalonike 1:5 - Mbeti ti Nzapa - Tënë so amu fini

⁵ Ye so kue afa atene, fango ngbanga ti Nzapa ayeke mbirimbiri. Biani, ye ni ayeke sara titene ala lingbi na *Kodro-gbia ti Nzapa so ala yeke baa pasi ndali ni.

2 Tesalonike 1:5 Referans Kwoze

Filipe 1:28

Ala mu lege na awato ti ala ti zia mbeto na be ti ala oko pepe. So laa ayeke fa atene, lege ti awato ti ala ni ayeke gue na ala na kuâ; me ti ala, azo ti Filipe, ye ni ayeke ga ande ye ti songo ala na kuâ, ngbanga ti so Nzapa laa asara titene ala soo kuâ.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Aye so Nzapa afa 19:2

Fango ngbanga ti lo ayeke na lege ti taa-tënë si ayeke mbirimbiri! Lo fâ ngbanga na li ti kota wali-ndumba so abuba ndö ti sese na sarango aye ti ndumba ti lo. Nzapa afâ ngbanga na li ti lo ndali ti so lo fâ azo ti kua ti Nzapa.”

Nzoni Tënë so Luc asu na mbeti 20:35

me azo so Nzapa abaa ala atene, ala laa alingbi ande ti zingo na kuâ si ala duti na fini na ya ti dunia so ayeke ga gbanda, fade ala yeke mu koli wala wali pepe.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

2 Tesalonike 1:11

Ndani laa e yeke sambela lakue ndali ti ala titene Nzapa ti e asara si ala lingbi na iringo so lo iri ala. E hunda titene na lege ti ngangu ti lo, ala sara aye ti nzoni so kue ala yeke na nzara ti sarango ni si kua so ala yeke sara na lege ti mabe asi na ndani.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Aye so Nzapa afa 16:7

Na pekoni, mbi ma mbeni go so alondo na mbage ti gbalaka si atene: “Biani, *Kota Gbia, Nzapa so ngangu ti mo ahon angangu kue, fango ngbanga ti mo ayeke na lege ti taa-tënë si ayeke nga mbirimbiri!”

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Aye so Nzapa afa 3:4

Me ambeni zo oko oko ayeke na Sarde so abata bongo ti ala nzoni. Fade ala yeke tambula na tere ti mbi na vuru bongo, ngbanga ti so ala lingbi ti yu ni.

1 Tesalonike 2:14

Biani, a-ita, azo ti Tesalonike, ala sara ye awe gi tongana ti azo ti *Eglize ti Nzapa so ayeke na sese ti Judée, ala so aga oko na Jésus Christ so. Ala baa pasi na maboko ti azo ti kodro ti ala wani tongana ti so azo ti Eglize ti Judée abaa pasi na maboko ti azuife.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Nzoni Tënë so Luc asu na mbeti 21:36

Tongaso ala lango pepe! Ala ngba ti sambela lakue si ala wara ngangu ti sigigi na ya ti aye so ayeke si ande so si ala wara lege ti luti na nduzu na dawa ti *Molenge ti Zo.”

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Abia (Psaumes) 111:7

Aye so lo sara ayeke na legeni si ayeke mbirimbiri; andia ti lo kue alingbi titene zo azia be ti lo daa.

Abia (Psaumes) 72:2

tongaso si lo fâ ngbanga ti azo ti mo na lege ti mbirimbiri si lo fâ ngbanga ti azo ti mawa na legeni mbirimbiri.

Abia (Psaumes) 50:6

Yayu ayeke fa tënë ti mbirimbiri ti Nzapa: Nzapa laa ayeke wafango-ngbanga! Luti kete

Abia (Psaumes) 33:5

KOTA GBIA aye ye so ayeke mbirimbiri na ye so ayeke na legeni; sese kue asi singo na nzoni be ti lo.

Mbeti ti Job 8:3

Nzapa ayeke sanze lege ti fango ngbanga? Lo so ngangu ti lo ahon angangu kue so, lo yeke sara si ye so ayeke mbirimbiri aga ye ti kirikiri?