2 Samuel 7:6 - Mbeti ti Nzapa - Tënë so amu fini

⁶ Na lango so mbi sara si azo ti Israel asigigi na sese ti Ezipte ngbii asi laso, mbi de mbi lango na ya ti mbeni da pepe; me na ya ti tambula ti mbi, mbi yeke lango gi na gbe ti da ti bongo.

2 Samuel 7:6 Referans Kwoze

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

Josué 18:1

Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

Ndia ti fani use ni 23:14

Fade turugu oko oko ayeke na mbeni kpoka na ya ti kungba ti lo. Tongana lo gue na ngonda, fade lo yeke zi du na kpoka ni. Na pekoni, lo yeke tuku sese na ni na ndö ti sarate so lo sara.

2 Samuel 11:11

Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

Awafango-ngbanga 20:27

Na pekoni azo ti Israel ahunda KOTA GBIA. Andaa na ngoi ni so, sanduku ti *mbuki ti Nzapa ayeke na Betel.