2 Samuel 6:5 - Mbeti ti Nzapa - Tënë so amu fini

⁵ David na azo ti Israel kue ayeke fa ngia ti ala na dawa ti KOTA GBIA. Ala yeke pika aye ti mozoko nde nde so a sara na keke ti sipre: akota kundi, akete kundi, akete ngo, asistre na awen so atoto.

2 Samuel 6:5 Referans Kwoze

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

Amos 5:23

Ala zia ti so mê ti mbi na abia ti ala ni; mbi ye ti ma go ti kundi ti ala pepe.

Amos 6:5

Ala yeke pika kundi kirikiri ti he na bia. Titene ala sara ye tongana David, ala yeke sigigi na afini ye ti mozoko.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 3:10

Gbia, mo wani, mo mu yanga, mo tene: ‘Tongana azo ama toto ti tatalita, ti ngoli, ti kete kundi na ti kota kundi, ti kalangba na amara ti ngoli nde nde, na aye ti sarango na mozoko nde nde, fade azo ni akuku na sese, ala voro yanda ti lôro ni.

Daniel 3:7

Na ndö ti tënë so, gi na ndembe so azo ti amara nde nde kue na azo ti ayanga ti kodro nde nde kue ama toto ti tatalita, ti ngoli, ti kete kundi, ti kota kundi na ti kalangba, ala kuku na sese si ala voro yanda ti lôro so gbia Nabukodonosor azia ni aluti na nduzu so.

Daniel 3:5

‘Na ndembe so ala yeke ma toto ti tatalita, ti *ngoli, ti kete kundi na kota kundi, kalangba na amara ti ngoli nde nde, na aye ti sarango na mozoko nde nde, fade ala kuku na sese, ala voro yanda so gbia Nabukodonosor azia ni aluti na nduzu so.

Abia (Psaumes) 47:5

Lo soro na e kodro so aga ti e; e yeke gonda tere ti e ndali ni, e *ahale ti Jacob so Nzapa aye e mingi so. Luti kete

2 Agbia 3:15

Fadeso, ala ga na mbi mbeni zo ti pikango mozoko.” Na ndembe so zo ti pikango mozoko ni ayeke pika mozoko, ngangu ti KOTA GBIA aga na ndö ti Élisée.

1 Samuel 16:16

Ayeke nzoni gbia amu yanga si e gi mbeni koli so ahinga ti pika kundi. Na ndembe so sioni yingo aga na ndö ti mo, fade lo yeke pika kundi si be ti mo aduti nzoni.”

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Mbai 15:28

Azo ti Israel kue ague na sanduku ti mbuki ti KOTA GBIA na Jérusalem; ala yeke dekongo na ngia si ala yeke huru adidi, atatalita, ala yeke pika awen so atoto, akota kundi na akete kundi.

2 Mbai 20:28

Ala li na Jérusalem na pikango kundi na kete kundi, ala huru tatalita ngbii ala si na ni na ya ti kota da ti KOTA GBIA.