tongaso, fade mo yeke wara ngia ti mo na lege ti mbi KOTA GBIA; mbi yeke sara titene mo tambula na ndö ti ayongoro hoto ti kodro ni. Mbi yeke sara titene mo baa nzoni na lege ti sese so a mu ando na kotara ti mo Jacob si aga ye ti lo so.” Tënë so asigigi na yanga ti KOTA GBIA laa.
Lo zia ala ti duti na sese ti ahoto, lo bata ala na akobe ti yaka. Lo sara si ala nyon mafuta ti wotoro so asigigi na ya ti du ti têne, lo sara si akeke ti olive asigigi na ya ti sese so atêne ayeke daa mingi.
Kota Gbia NZAPA ayeke ngangu ti mbi. Lo sara si gere ti mbi ayapu tongana ti tagba, lo sara si mbi tambula na ndö ti ahoto. Bia so ayeke ndali ti makonzi-bia. A he ni na kundi.
Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.
Ayeke nzoni a kanga yanga ti gbagba ti lo na angbongboro kerere ti wen na ti bengba wen. Ayeke nzoni ngangu ti lo angba alingbi na lango ti fini ti lo kue!”
Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.