2 Samuel 20:9 - Mbeti ti Nzapa - Tënë so amu fini

⁹ Yoab atene na Amasa: “Ita ti mbi, mo yeke senge?” Yoab agbu kua ti yanga ti Amasa na maboko ti lo ti koli ti su ngbangba ti lo.

2 Samuel 20:9 Referans Kwoze

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Samuel 15:5

Tongana mbeni zo aga ti kuku na gbe ti Absalom, lo yeke yoro maboko ti lo, lo gbu zo ni si lo su ngbangba ti lo.

2 Samuel 17:25

Absalom azia Amasa na li ti aturugu na plase ti Yoab. Amasa ayeke molenge ti mbeni zo ti Israel so iri ti lo ayeke Yeter so amu lani Abigal ti ga wali ti lo. Abigal ayeke molenge ti Nahash, ita ti Seruya, mama ti Yoab.

2 Samuel 18:29

Gbia ahunda ndo: “Maseka-koli Absalom ayeke senge?” Ahimaas akiri tënë: “Na ndembe so Yoab atokua mbi, mbi na mbeni zo ti gbe ti mo, mbi baa azo ayeke sara wuluwulu mingi mingi, mbi hinga ye so asi pepe.”

1 Agbia 2:32

Biani, Abner, molenge ti Ner, makonzi ti aturugu ti Israel, na Amasa, molenge ti Yeter, makonzi ti aturugu ti Juda ayeke azo ti mbirimbiri si ala yeke nzoni ahon Yoab. Me Yoab afâ ala; babâ ti mbi ahinga tënë ni oko pepe. Fade KOTA GBIA ayeke sara titene ngbanga ti mene ti Yoab ati na li ti lo wani!

Jérémie 41:2

Ismael, molenge ti Netania, lo na azo baleoko so amu peko ti lo alondo, ala kpo Gedalia, molenge ti Netania na yongoro zeme. Lege so ala fâ lo so gbia ti Babilone azia lo na li ti kodro ni laa.

Awafango-ngbanga 3:15

Ala dekongo na mbage ti KOTA GBIA, lo mu mbeni zo ti soo ala; zo ni ayeke Ehud, molenge ti Gera, zo ti mara ti Benjamin. Ehud ayeke sara kua gi na maboko ti lo ti wali. Azo ti Israel atokua lapo na maboko ti lo titene lo gue na ni na Eglon, gbia ti Moab.

Amato 26:23

Tongana zo ti sioni be atene tënë ti ndoye, akpa wen ti nginza so puru ni angba daa si a mu ni ti zia na tere ti ta ti sese.

Amato 27:6

Titene mbeni zo so mo na lo aye tere mingi aso be ti mo, so laa ayeke nzoni ahon titene mbeni wato asu ngbangba ti mo gbani gbani.