2 Samuel 2:4 - Mbeti ti Nzapa - Tënë so amu fini

⁴ Azo ti Juda aga na Hebron si ala tuku mafuta na li ti David titene lo ga gbia ti Juda. Mbeni zo aga atene na David: “Azo ti Yabesh so ayeke na sese ti Galaad laa alu lani Saul.”

2 Samuel 2:4 Referans Kwoze

2 Samuel 5:5

Na Hebron, lo le-gbia na ndö ti azo ti Juda ngu mbarambara na nze omene. Na Jérusalem, lo le-gbia na ndö ti azo ti Israel na azo ti Juda kue ngu baleota na ota.

2 Samuel 5:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel.

1 Mbai 11:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel alingbi na tënë so KOTA GBIA atene lani na lege ti Samuel.

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

2 Samuel 19:42

Azo ti Israel aga nduru na gbia si ala hunda lo, atene: “Ngbanga ti nyen si a-ita ti e, azo ti Juda, amu mo na maboko ti e? Ngbanga ti nyen si ala sara titene mo fâ ngu ti Jourdain, mo na asewa ti mo nga na aturugu ti mo so?”

2 Samuel 19:11

Me Absalom, lo so lani e mu lo ti ga gbia ti e so, lo kui na bira awe. Nyen laa e yeke ku ti sara titene gbia akiri?”

2 Samuel 5:17

So azo ti Filistii ama a tene, azo atuku mafuta na li ti David titene lo ga gbia ti azo ti Israel, ala kue ague ti gi ti gbu lo. David ama tënë ni si lo zu na ndo so ngangu gbagba ayeke na tere ni.

2 Samuel 2:11

Ngoi so David aduti gbia na Hebron na ndö ti azo ti Juda ayeke ngu mbarambara na nze omene.

2 Samuel 2:7

Ala gbu ngangu, ala sara ye ti koli! Gbia ti ala Saul akui awe; me mbi laa azo ti Juda atuku mafuta na li ti mbi titene mbi ga gbia ti ala.”

1 Mbai 12:23

Na ya ti lango oko oko, ambeni zo ayeke ga na tere ti David ti mu maboko na lo, gi tongaso laa wungo ti aturugu ti David aga gbani ahon ndoni.

2 Samuel 21:11

Ye so Rispa, molenge-wali ti Aya, mbeni wali ti Saul, asara so, azo ague, atene tënë ni na David.

2 Samuel 21:12

Tongaso, David ague na ndo ti azo ti Yabesh, na sese ti Galaad titene lo ro abio ti Saul na ti molenge ti lo Jonatan. Biani, na ndembe so lani azo ti Filistii akinda Saul na hoto ti Gilboa, ala kanga kuâ ti lo na ti Jonatan na tere ti gbagba ti Bet-Shean. Kâ laa azo ti Yabesh aga anzi kuâ ti Saul na ti Jonatan.

2 Agbia 11:12

Tongaso Yoyada amu molenge ti gbia asigigi na lo. Lo zia kpoto ti gbia na li ti molenge ni si lo mu na lo mbeti ti mbuki. A tuku mafuta na li ti lo titene a zia lo gbia. Azo ni apika maboko si ala dekongo, atene: “Gbia na nduzu!”

1 Mbai 10:11

So azo ti Yabesh so kue ayeke na sese ti Galaad ama tënë ti aye so kue azo ti Filistii asara na Saul,