2 Samuel 19:8 - Mbeti ti Nzapa - Tënë so amu fini

⁸ Londo, mo sigigi, mo tene mbeni tënë ti zia ngia na be ti aturugu ti mo si. Na iri ti *KOTA GBIA! Tongana mo sigigi pepe, zo oko ayeke ngba na bi so na tere ti mo pepe. Fade kpale ti mo ayeke kiri ti hon akpale so asi na mo, ngbene ye so mo yeke maseka ngbii asi laso.”

2 Samuel 19:8 Referans Kwoze

2 Samuel 18:24

Andaa David ayeke duti na popo ti ayanga ti gbagba use. Mbeni sanziri ayeke na ndö ti gbagba ti gbata ni, na ndo so a leke titene azo aduti daa. Lo yo le ti lo na nduzu si lo baa mbeni koli ayeke ga na loro gi lo oko.

2 Samuel 18:4

Gbia atene na ala: “Fade mbi yeke sara gi ye so anzere na be ti ala.” Tongaso gbia aluti na yanga ti gbata ni si aturugu ayeke sigigi molongo na molongo: ala so wungo ti ala ngbangbo oko, na ala so wungo ti ala saki oko.

2 Agbia 14:12

Aturugu ti Israel akinda aturugu ti Juda si turugu oko oko ti Juda akpe ague na da ti lo.

1 Agbia 22:36

So lâ akui awe, mbeni dekongo alondo na ya ti bâbâ ni, atene: “Zo oko oko akiri na gbata ti lo! Zo oko oko akiri na ndo ti lo!”

2 Samuel 19:3

Na lango ni so, ngia so fade aturugu alingbi ti sara ngbanga ti kindango awato ti ala so, ngia ni akiri aga vundu. Ala sara vundu, ngbanga ti so ala ma a tene, gbia asara mawa mingi ndali ti kuâ ti molenge ti lo.

2 Samuel 18:17

A mu kuâ ti Absalom abi na ya ti mbeni kota du na ya ti gbako kâ; a zia gba ti atêne na ndö ni. Azo ti Israel kue akpe kirikiri, zo oko oko akiri na da ti lo.

2 Samuel 15:2

Na kota ndaperere, lo yeke luti na tere ti lege, na ndo so a yeke li daa na ya ti gbata ni. Lakue, tongana mbeni zo ayeke na tënë si lo ye ti gue ti baa gbia titene gbia afâ ya ti ngbanga ni, Absalom ayeke iri zo ni si ayeke hunda lo, atene: “Mo yeke zo ti gbata wa?” Tongana zo ni akiri tënë: “Mbi yeke zo ti mara ti Israel tongaso”.

1 Samuel 4:10

Azo ti Filistii alondo na bira; ala kinda azo ti Israel. Aturugu ti Israel kue akpe, zo oko oko agi lege ti da ti lo. Azo ti Israel ati sioni sioni na gbe ti azo ti Filistii; azo ti Filistii afâ aturugu ti Israel saki baleota.

2 Agbia 8:21

Yoram amu apusu ti mbarata ti lo kue si lo gue na Sair. Na be ti bi, lo na amakonzi ti aturugu ti kpengo na apusu ti mbarata alondo si ala suru lege ahon na popo ti azo ti Edom so angoro fade ala. Aturugu ti Juda akpe ague na ndo ti ala.