2 Samuel 17:22 - Mbeti ti Nzapa - Tënë so amu fini

²² Tongaso, David na azo so ayeke na lo alondo afâ ngu ti Jourdain. Na kota ndaperere, azo kue afâ ngu, zo oko angba na peko pepe.

2 Samuel 17:22 Referans Kwoze

Jean 18:9

Ye ni asi si tënë so Jésus atene lani alingbi ti ga taa-tënë, lo tene: “Babâ, azo so mo mu ala na mbi, mbi girisa mbeni oko pepe”.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Amato 27:12

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

2 Samuel 17:24

David asi na kodro ti Mahanaim. Absalom na aturugu kue ti Israel afâ ngu ti Jourdain.

Wungo ti azo 31:49

si ala tene na lo: “E, azo ti gbe ti mo, e diko aturugu so ayeke na gbe ti komandema ti e: turugu oko agirisa pepe.

2 Samuel 17:21

So azo ti tokua ni ahon awe, Ahimaas na Jonatan asigigi na ya ti du ti ngu ni si ala gue, atene tënë ni na David; ala tene na lo peko ti wango so Ahitofel amu na tere ti ala. Na pekoni, ala tene na lo: “Ala londo afâ ngu!”

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

Abia (Psaumes) 42:6

Mbi hunda tere ti mbi: mbi yeke na vundu tongaso ndali ti nyen? Mbi yeke dema tere ti mbi tongaso ndali ti nyen? Ayeke nzoni mbi zia be ti mbi ti ku Nzapa! Biani, fade mbi yeke kiri ti sepela lo, lo so lo soo mbi.