2 Samuel 15:25 - Mbeti ti Nzapa - Tënë so amu fini

²⁵ Gbia atene na Sadok: “Mu sanduku ti *mbuki ti Nzapa, mo kiri na ni na ya ti gbata. Tongana KOTA GBIA asara nzoni be na mbi, fade lo yeke kiri na mbi na gbata ni si mbi yeke kiri ti baa sanduku ni nga na da so a zia nde ndali ni.

2 Samuel 15:25 Referans Kwoze

Jérémie 25:30

KOTA GBIA akiri atene na mbi: “Mo tene peko ti atënë ti yanga ti mbi so kue na ala, mo tene: Na nduzu kâ, KOTA GBIA atoto ngangu tongana bamara; na ya ti da so a zia nde ndali ti lo, lo sara si azo ama go ti lo. Lo yeke toto tongana bamara na ndö ti sese so ayeke ti lo. Lo yeke dekongo na ndö ti azo ti kodro ni kue tongana azo so ayeke ko ale ti *vinye ti sara na vin.

Abia (Psaumes) 84:10

O Nzapa, baa gbia so ayeke *vala ti e, baa na nzoni le zo ti mo so mo zia lo gbia so.

Abia (Psaumes) 26:8

KOTA GBIA, mbi ye kota da ti mo so mo yeke duti na ya ni; mbi ye ndo ti mo so gonda ti mo ayeke na ya ni.

Sigingo 15:13

Na lege ti nzoni be ti mo, mo fa lege na azo ti mo so mo zi ala awe. Na lege ti ngangu ti mo, mo gue na ala na ndo ti duti ti mo so ayeke nde si ayeke nzoni kue.

Jérémie 7:4

Ala zia be ti ala pepe na ndö ti atënë ti handa so atene: ‘Da ti KOTA GBIA ayeke ge! Da ti KOTA GBIA laa! Da ti KOTA GBIA laa!’

Ésaïe 38:22

Ezekias ahunda ndo, atene: “Nyen laa ayeke fa na mbi atene, fade mbi yeke kiri ti gue na ya ti kota da ti KOTA GBIA?”

Abia (Psaumes) 122:9

Ndali ti da ti KOTA GBIA, Nzapa ti e, mbi yeke gi lege ti nzoni duti ti mo.

Abia (Psaumes) 122:1

A yeke he bia so na ndembe ti guengo ni na Jérusalem. Bia ti David. Be ti mbi anzere mingi, tongana a tene na mbi: “Ga e gue na da ti *KOTA GBIA!”

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

2 Samuel 6:17

Na peko ti so ala ga na sanduku ti mbuki ti KOTA GBIA, ala zia ni na ndo so a leke ndali ni, na gbe ti da ti bongo so David aleke ndali ni. David amu asandaga so a yeke gbi ni kue na wâ nga na asandaga ti beoko na KOTA GBIA.

Sigingo 33:12

Moïse atene na KOTA GBIA: “KOTA GBIA, ma si! Mo wani laa mo tene na mbi, mo tene: ‘Mo mu azo so mo gue na ala’. Me mo fa na mbi zo so alingbi ti mu maboko na mbi pepe. Lani mo laa mo tene na mbi, mo tene: ‘Mbi hinga mo na iri ti mo’; mo tene nga: ‘Mbi yeke baa mo na nzoni le.’

Sigingo 33:13

Fadeso, tongana mo baa mbi na nzoni le biani, fa na mbi lege ti mo si mbi hinga mo. Tongaso si fade mo yeke baa mbi na nzoni le. Ayeke nzoni mo hinga, mo tene, mara so ayeke azo ti mo.”