2 Samuel 13:1 - Mbeti ti Nzapa - Tënë so amu fini

¹ Ye so asi na peko ni ayeke so: Absalom, molenge ti David ayeke na mbeni ita ti lo ti wali so apendere mingi; iri ti lo Tamar. Amnon so ayeke nga mbeni molenge ti David asara nzara ti Tamar.

2 Samuel 13:1 Referans Kwoze

1 Mbai 3:9

So amolenge ti David kue laa; a diko amolenge ti awali ti lo so lo ne ala mingi pepe so daa pepe. Lo du nga molenge-wali so iri ti lo Tamar.

1 Mbai 3:2

Ota molenge ni ayeke Absalom; mama ti lo ayeke Maaka, molenge ti Talmai, gbia ti Geshur. Osio molenge ni ayeke Adonia; mama ti lo ayeke Hagite.

2 Samuel 14:27

Absalom adu amolenge-koli ota nga na molenge-wali oko. Iri ti molenge-wali ni ayeke Tamar; lo yeke pendere mingi.

2 Samuel 13:15

Na pekoni, be ti Amnon akiri ake Tamar mingi. Lo ke Tamar ahon nzara ti lo so lo yeke na ni kozo so. Amnon atene na Tamar: “Londo, mo hon kâ!”

Amato 31:30

Pendere ayeke handa zo; pendere ti tere ayeke ninga pepe. Gi wali so akpe mbeto ti KOTA GBIA, wali so alingbi titene azo agonda lo laa.

Amato 6:25

Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

1 Agbia 11:1

Gbia Salomon aye awali mingi so ayeke ti mara nde. Kozoni, lo mu molenge ti Faraon ti wali; na pekoni lo mu ambeni wali ti mara ti Moab, ti Amon, ti Edom, ti Sidon na ti Het.

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Tongo nda ti aye 34:3

Lo mu be ti lo kue na Dina, molenge ti Jacob ti wali. Lo ye molenge-wali ni mingi si lo tene anzoni tënë na lo titene be ti lo ade.

Tongo nda ti aye 29:20

Tongaso Jacob asara kua ngu mbarambara ndali ti Rachel. Ti lo, lo baa ngu mbarambara so gi tongana mbeni kete lango, ngbanga ti so lo ye Rachel.

Tongo nda ti aye 29:18

Jacob aye Rachel si lo tene: “Mbi yeke sara kua na mo na ya ti ngu mbarambara ndali ti Rachel, molenge ti mo ti ngambe ni.”

Tongo nda ti aye 6:2

amolenge-koli ti Nzapa abaa so amolenge-wali ti azo ni ayeke pendere mingi. Ala soro ambeni molenge-wali ni si ala mu ala ti ga awali ti ala.

2 Samuel 13:2

Be ti Amnon ayeke gi na nduzu ndali ti ita ti lo Tamar. Biani Tamar ade ti hinga koli pepe, nilaa ayeke ngangu na Amnon ti pusu nduru na Tamar.