2 Samuel 11:25 - Mbeti ti Nzapa - Tënë so amu fini

²⁵ David atene na zo ti tokua ni: “Gue mo tene na Yoab, mo tene: ‘Ye so asi so, ayeke nzoni mo zia be ti mo na ndö ni mingi pepe. Na ya ti bira kue, kuâ ayeke kui ka mbage na mbage. Ayeke nzoni mo sara kue ti sara bira na gbata ni, mo buba ni kue.’ Ti mo, zo ti tokua ni, mo mu ngangu na be ti lo.”

2 Samuel 11:25 Referans Kwoze

2 Samuel 12:26

Yoab atiri bira na azo ti Raba, li-kodro ti azo ti Amon; lo mu vaka so gbia ni ayeke lango daa.

1 Samuel 6:9

Fade ala yeke baa: tongana sanduku ti mbuki ni amu lege ti gue na sese ti Israel na mbage ti gbata ti Bet-Shemesh, andaa KOTA GBIA wani laa asara titene asioni ye so kue asi na e. Tongana sanduku ni amu mbeni lege nde, fade e hinga, e tene, Nzapa laa asara asioni ye so na e pepe. Me ye ti gigi laa asi na e so.”

2 Samuel 11:24

Azo ti pikango kokora aluti na li ti gbagba ni si ala pika le ti kokora na ndö ti azo ti mo. Gi tongaso laa ambeni turugu ti mo ti kota kamba akui; Urii, zo ti mara ti Het nga akui.”

2 Samuel 11:26

So Batsheba, wali ti Urii ama a tene, koli ti lo akui awe, lo sara mua ti lo.

Awafango-ngbanga 20:22

Azo ti Israel ni ague, atoto na dawa ti KOTA GBIA ngbii asi na lakui. Ala hunda KOTA GBIA, atene: “E kiri e gue, e sara bira na azo ti Benjamin, a-ita ti e?” KOTA GBIA akiri tënë na ala: “Ala gue, atiri bira senge!” Tongaso, be ti ala akiri awara ngangu si ala leke tere ti ala na oko ndo so ala duti daa na kozo lango ni so ti sara bira.