2 Pierre 3:18 - Mbeti ti Nzapa - Tënë so amu fini

¹⁸ Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

2 Pierre 3:18 Referans Kwoze

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Efeze 4:15

Me tongana e yeke tene taa-tënë na lege ti ndoye, fade e yeke kono na ya ti aye kue ngbii e ga tongana Christ so ayeke li ti Eglize.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Kolose 3:10

Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

2 Pierre 1:3

Na lege ti ngangu ti lo, Christ amu na e aye so kue alingbi na e titene e duti na fini si e ngba ti gbu tënë ti Nzapa ngangu. Christ afa na e ti hinga Nzapa so airi e ti wara mbage ti gonda ti lo na ti nzoni ye so lo sara.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Abia (Psaumes) 92:12

Mbi baa na le ti mbi tingo ti awato ti mbi, mbi ma na mê ti mbi tënë ti azo ti sioni so aga ti tiri na mbi.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Jude 1:25

Lo oko laa lo yeke Nzapa, Wasongo e na lege ti Jésus Christ, *Kota Gbia ti e. Gonda, kota ndo, ngangu nga na komandema ayeke ti lo, ando ngu na ngu, fadeso ngbii gbanda kpu na kpu! Amen.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

2 Pierre 2:20

Azo so azi tere ti ala awe na ya ti aye ti potopoto ti dunia na lege so ala hinga Jésus Christ, Kota Gbia ti e na Wasongo e, tongana ala kiri ayoro tere ti ala na ya ti aye ti potopoto ni titene ahon ndö ti ala si akanga ala, fade dutingo ti ala ayeke ga sioni mingi ahon ti kozoni.

2 Pierre 1:8

So ayeke anzoni ye so ala lingbi ti duti na ni laa. Tongana ala yeke na ni gbani gbani, fade ayeke sara si ala duti senge senge pepe si hingango so ala hinga na *Kota Gbia ti e Jésus Christ ayeke gue lakue gi na nduzu.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Osée 14:5

KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

2 Pierre 1:2

Ayeke nzoni Nzapa asara nzoni be na ala, lo mu na ala siriri gbani gbani na lege so ala hinga Nzapa nga na Jésus, Kota Gbia ti e.