2 Pierre 2:9 - Mbeti ti Nzapa - Tënë so amu fini

⁹ so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

2 Pierre 2:9 Referans Kwoze

1 Korente 10:13

Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.

2 Timothée 3:12

Biani, azo so kue aga oko na Jésus Christ si ala gbu tënë ti Nzapa mingi, fade a yeke sara ngangu na ala.

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.

Amato 16:4

Ye so kue KOTA GBIA asara, nda ni ayeke daa. Ataa zo ti sioni, lo sara lo ti ku na lango ti ye ti sioni.

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Abia (Psaumes) 4:3

Ala azo, ala yeke ngba ti buba iri ti mbi ngbii asi lawa? Ala yeke ye gi asenge senge ye ngbii asi lawa? Ala yeke zia lege ti kpengo na peko ti aye ti mvene ngbii asi lawa? Luti kete

Abia (Psaumes) 32:6

Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

Mbeti ti Job 21:30

Na lango so ye ti ngangu ayeke si, zo ti sioni ayeke sigigi na ya ni, ngonzo ti Nzapa ayeke wara lo pepe.

Abia (Psaumes) 12:1

Bia ti David; bia so ayeke ndali ti makonzi-bia. A he ni na kundi ti akamba miombe.

Abia (Psaumes) 37:33

Me KOTA GBIA ayeke zia lo na maboko ti ala pepe; tongana a ye ti fâ ngbanga na li ti lo, fade KOTA GBIA ayeke zia lo titene a de ngbanga na li ti lo pepe.

Amato 12:13

Atënë ti yanga ti zo ti sioni wani ayeke gbu lo tongana sioni kuku; me zo ti mbirimbiri ayeke sigigi ti lo yamba na ya ti ye ti ngangu.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.

1 Samuel 29:10

Tongaso, kekereke na kota ndaperere, fade mo na azo ti kua ti gbia ti mo so amu peko ti mo si aga so, ala londo. Tongana ndo ato nda ti vuru awe, ala mu lege ti kiri na kodro.”