2 Pierre 2:16 - Mbeti ti Nzapa - Tënë so amu fini

¹⁶ Me a gboto mê ti lo ndali ti ngangu li ti lo: mbeni lele, nyama so ayeke tene ka tënë pepe, amu go ti zo ti tene tënë, ti kanga lege na wayanga-Nzapa so li ti lo ayeke daa pepe so.

2 Pierre 2:16 Referans Kwoze

Awatokua 26:11

Lege mingi, mbi gue na ya ti ada ti sambelango Nzapa si mbi yeke sara pasi na ala, mbi yeke gbu ala na ngangu titene ala zonga Jésus. Ngonzo agbu mbi na tere ti ala ahon ndoni si mbi tumba peko ti ala ngbii mbi si na ya ti agbata ti awande ti sara ngangu na ala.”

Nzoni Tënë so Luc asu na mbeti 16:11

Tongana ala hinga ti sara ye na legeni pepe na nginza so ala wara na lege ti ye ti kirikiri, zo wa laa ayeke mu na ala taa ye ti nzoni titene ala bata ni?

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Zo ti bongbingo azo 7:25

Tongaso mbi zia be ti mbi kue ti hinga ye, ti gi nda ti ye, ti gi ndara, ti gbu li ti mbi na legeni. Mbi hinga so dutingo sioni zo wala zo so li ti lo ayeke daa pepe ayeke ye ti buba.

Abia (Psaumes) 39:11

Mo zia ti pika mbi, mbi yeke kui na gbe ti pika ti mo.