2 Pierre 1:7 - Mbeti ti Nzapa - Tënë so amu fini

⁷ na ndö ti gbungo tënë ti Nzapa ngangu, ala zia yengo amba ti ala; na ndö ti yengo amba ti ala, ala zia ndoye.

2 Pierre 1:7 Referans Kwoze

Ahebro 13:1

Ala ngba lakue ti ye tere na popo ti ala tongana a-ita, azo ti Christ.

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

1 Tesalonike 3:12

Ayeke nzoni Kota Gbia asara si yengo so ala ye tere na popo ti ala nga na yengo so ala ye na azo kue ague guengo na nduzu, alingbi na yengo so e ye na ala!

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.

1 Jean 3:14

Ti e, e hinga, e tene, e sigigi na gbe ti ngangu ti kuâ awe si e yeke na fini; e hinga ni, ngbanga ti so e ye a-ita ti e. Zo so aye ita ti lo pepe, andaa lo ngba na gbe ti ngangu ti kuâ.

1 Pierre 2:17

Ala ne azo kue, ala ye a-ita ti ala, ala kpe mbeto ti Nzapa, ala ne kota gbia.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

Kolose 3:14

Ye so ahon tanga ti aye ni kue ayeke yengo tere so ayeke bongbi azo nzoni.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.