2 Pierre 1:21 - Mbeti ti Nzapa - Tënë so amu fini

²¹ Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

2 Pierre 1:21 Referans Kwoze

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

Nzoni Tënë so Luc asu na mbeti 1:70

Lo zia tënë ni ando na yanga ti awayanga-Nzapa si ala tene ni; awayanga-Nzapa so Nzapa azia ala nde ndali ti lo.

2 Samuel 23:2

Yingo ti *KOTA GBIA atene tënë na lege ti mbi; tënë ti lo ayeke na menga ti mbi.

Awatokua 1:16

“A-ita, ye so Yingo-Vuru atene tënë ni na ya ti Mbeti ti Nzapa so, ayeke nzoni ye ni asi alingbi na ni. Yingo-Vuru atene tënë na ndö ti Judas na lege ti David; Judas so aga zo ti fango lege na azo ti gbungo Jésus so.

Ahebro 10:15

Yingo-Vuru atene nga na e tënë na ndö ni. Lo tene kozoni, lo tene:

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Marc 12:36

So Yingo-Vuru amu na David tënë ti tenengo ni si lo tene: ‘*Kota Gbia Nzapa atene na Kota Gbia ti mbi, atene: Mo duti na mbage ti maboko ti mbi ti koli ngbii mbi sara titene awato ti mo aduti na gbe ti gere ti mo si.’

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.

Ahebro 3:7

Ndani laa, tongana ti so Yingo-Vuru atene: “Laso, tongana ala ma go ti Nzapa,

Wungo ti azo 16:28

Moïse atene: “Fade ala hinga atene, KOTA GBIA laa atokua mbi ti sara aye so kue. Mbi sara aye na li ti mbi wani pepe.

Awatokua 28:25

Azo ni ama tere na popo ti ala na ndö ti tënë ni pepe. So ala londo ti gue, Paul atene na ala gi mbeni tënë oko, lo tene: “Tënë so ando Yingo-Vuru atene na akotara ti ala na lege ti wayanga-Nzapa Ésaïe so ayeke taa-tënë! Yingo-Vuru atene:

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

Ahebro 9:8

Na lege so, Yingo-Vuru ayeke fa atene, so kozo da ti bongo ni angba so, lege ti si na use ndo ni ade ti zi pepe, ndo so ayeke nde si ayeke nzoni kue ahon atanga ni.

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

Josué 14:6

Mbeni lâ, azo ti mara ti Juda aga awara Josué na Gilgal. Kaleb, molenge ti Yefune, zo ti kete mara ti Kenaz atene na lo, atene: “Mo hinga tënë so KOTA GBIA atene na Moïse, zo ti kua ti Nzapa, na ndö ti mbi na mo, kâ na Kades-Barnea.

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

2 Agbia 6:15

Na kota ndaperere, zo ti kua ti Élisée alondo, lo sigigi na ya ti gbata ni. Lo baa aturugu, ambarata na apusu ti mbarata so angoro gbata ni. Lo dekongo, lo tene: “Ae babâ! Fade e yeke sara tongana nyen?”

2 Agbia 6:10

Nilaa gbia ti Israel atokua aturugu ti baa ndo so zo ti Nzapa afa so. Ye ni so asi fani mingi: Élisée agboto mê ti gbia ti Israel daa, nilaa gbia ti Israel asara hange.

1 Agbia 17:24

Wali ni atene na Élie: “Biani, fadeso mbi hinga, mbi tene, mo yeke zo ti Nzapa; tënë ti KOTA GBIA so ayeke na yanga ti mo ayeke taa-tënë.”

1 Mbai 23:14

Ti Moïse, lo yeke zo ti Nzapa; me a diko amolenge ti lo tongana asenge zo na popo ti azo ti mara ti Lévi.

2 Agbia 4:22

Lo iri koli ti lo si lo tene na lo: “Mbi gbu gere ti mo, tokua na mbi mbeni zo ti kua oko nga na mbeni mama ti lele oko. Mbi yeke kpe na ndo ti zo ti Nzapa si mbi kiri.”

2 Agbia 4:9

Wali ni atene na koli ti lo: “Mbi hinga, mbi tene, koli so ayeke ga lakue na ndo ti e so ayeke taa zo ti Nzapa.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

2 Agbia 4:7

Wali ni aga atene tënë ni na zo ti Nzapa si zo ti Nzapa atene: “Gue, mo ka mafuta ni, mo futa na boon so ayeke na li ti mo. Tanga ti nginza ni, fade mo na amolenge ti mo ayeke te na kobe.”

Jérémie 23:26

Ala yeke ngba ti sara ye so ngbii asi lawa? Nyen laa asara li ti awayanga-Nzapa ni so si ala ngba ti fa atënë ti mvene tongaso so? So ayeke gi atënë so alondo na li ti ala wani ti handa na azo!

Ezekiel 1:3

Na kodro ti azo ti Babilone, na tere ti bale ti Kebar, tënë ti KOTA GBIA asi na mbi Ezekiel, molenge ti wayango-sandaga Buzi. Kâ, maboko ti KOTA GBIA agbu mbi.

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.