2 Pierre 1:19 - Mbeti ti Nzapa - Tënë so amu fini

¹⁹ Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

2 Pierre 1:19 Referans Kwoze

Aye so Nzapa afa 22:16

“Mbi Jésus, mbi tokua ange ti mbi ti gue ti fa peko ti aye so na *a-Eglize. Mbi yeke *hale ti sewa ti David, mbi yeke tongoro ti ndaperere so ayeke za mingi.”

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Abia (Psaumes) 119:105

Tënë ti mo ayeke tongana lamba ndali ti gere ti mbi, lumiere so ayeke za na ndö ti lege so mbi yeke hon daa.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Aye so Nzapa afa 2:28

Tongaso laa mbi wara komandema ni na maboko ti Babâ ti mbi. Fade mbi yeke mu na lo tongoro ti ndaperere.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.

1 Pierre 1:10

Awayanga-Nzapa agi ando mingi na alege nde nde nda ti tënë so atene, Nzapa ayeke soo azo so. Ala tene nga kozoni tënë ti nzoni be ti Nzapa so lo ye ti sara na ala, a-ita.

Jacques 2:8

Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 15:29

nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

3 Jean 1:6

Ala fa na *Eglize ge tënë ti ndoye ti mo. Ayeke nzoni mo ngba ti mu maboko na ala na ya ti tambula ti ala tongana ti so be ti Nzapa aye.

Ésaïe 41:26

Zo wa laa afa tënë ni na tongo nda ni titene e hinga ni, zo wa? Zo wa laa afa tënë ni giriri si e tene: ‘Tënë ni ayeke taa-tënë’? Zo oko afa tënë ni pepe, zo oko azi yanga pepe, zo oko ama nga tënë ti ala pepe.

Ésaïe 14:12

Mo, tongoro ti ndaperere so mo yeke za zango so, asara tongana nyen laa mo londo na nduzu kâ, mo ti na sese? Mo so ando mo yeke kinda amara so, asara tongana nyen laa a bi mo na sese?

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.