2 Pierre 1:14 - Mbeti ti Nzapa - Tënë so amu fini

¹⁴ Mbi hinga so, mbi ga nduru ti zia sese so awe tongana ti so Kota Gbia ti e Jésus Christ afa ni na mbi.

2 Pierre 1:14 Referans Kwoze

2 Timothée 4:6

Ti mbi, lango titene a mu mbi na *sandaga alingbi awe; lango titene mbi zia sese so alingbi nga awe.

Ndia ti fani use ni 31:14

*KOTA GBIA atene na Moïse: “Lango ti kuâ ti mo aga nduru awe. Mo iri Josué; mo na lo ague na ya ti da ti bongo so mbi na azo ti mbi, e yeke wara tere daa. Kâ, fade mbi yeke mu yanga na lo.” Tongaso, Moïse na Josué ague na ya ti da ti bongo so KOTA GBIA na azo ti lo ayeke wara tere daa.

Awatokua 20:25

“Mbi tambula na popo ti ala kue si mbi fa na ala tënë ti *Kodro-gbia ti Nzapa kue awe. Ti fadeso, mbi hinga, mbi tene, mbeni zo oko na popo ti ala ayeke kiri ti baa le ti mbi pepe.

Josué 23:14

Ti mbi, mbi ga nduru ti zia sese so awe. Me ti ala, ayeke nzoni ala hinga na be ti ala kue, na yingo ti ala kue atene, azendo so kue KOTA GBIA, Nzapa ti ala amu na ala angba senge pepe; lo sara ye kue alingbi na ni.

Ésaïe 38:12

Da ti mbi so mbi duti na ya ni, a zi ni si a gue na ni yongoro na tere ti mbi, tongana gbefa ti wabatango-taba. Tongana ti so zo ti lekengo bongo ayeke rule bongo ti lo so ahunzi, fini ti mbi ahunzi legeoko tongaso. A fâ kamba ti bongo ni awe. KOTA GBIA, na kota lâ ngbii asi na lakui, mo hunzi na mbi awe.

Jean 13:36

Simon Pierre ahunda lo, atene: “*Kota Gbia, mo yeke gue na ndo wa?” Jésus akiri tënë na lo: “Mo lingbi ti mu peko ti mbi na ndo so mbi yeke gue daa fadeso pepe, me mbeni lâ, fade mo yeke mu peko ti mbi.”

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

2 Pierre 1:13

Na ndembe so mbi de na ndö ti sese so, mbi baa mbi tene, ayeke nzoni na lege ti atënë so, mbi yeke dabe ti ala titene ala lango pepe.