2 Pierre 1:11 - Mbeti ti Nzapa - Tënë so amu fini

¹¹ Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

2 Pierre 1:11 Referans Kwoze

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Jean 10:10

Zo ti nzi aga ti lo gi ti nzi ye, ti fâ ye, ti buba ye. Ti mbi, mbi ga ti sara si azo aduti na fini si fini so awu ahon ndoni.

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Abia (Psaumes) 36:8

Nzapa, ndoye ti mo ayeke nzoni mingi, nzoni mingi! Azo ayeke kpe na mo ti bata tere ti ala na gbe ti maboko ti mo tongana ti so amolenge ti ndeke ayeke kpe ti bata tere ti ala na gbe ti *kpangi ti mama ti ala.

Abia (Psaumes) 145:13

Lengo-gbia ti mo ayeke ngba lakue lakue, komandema ti mo ayeke na ndö ti azo ti angoi kue. Nzapa ayeke sara ye alingbi na atënë ti yanga ti lo kue, aye so kue lo yeke sara afa so lo yeke sara nzoni be.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

1 Korente 15:24

Na peko ti so Christ akinda ngangu ti ayingo so kue ayeke na komandema awe, fade aye kue ayeke si na ndani si Christ ayeke kiri na mbata ti gbia ni na Nzapa Babâ.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

2 Pierre 1:5

Ndani laa, ala sara kue titene ala zia na ndö ti mabe ti ala, sarango nzoni ye; na ndö ti sarango nzoni ye, ala zia hingango ndo;

2 Pierre 2:20

Azo so azi tere ti ala awe na ya ti aye ti potopoto ti dunia na lege so ala hinga Jésus Christ, Kota Gbia ti e na Wasongo e, tongana ala kiri ayoro tere ti ala na ya ti aye ti potopoto ni titene ahon ndö ti ala si akanga ala, fade dutingo ti ala ayeke ga sioni mingi ahon ti kozoni.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.