2 Pierre 1:10 - Mbeti ti Nzapa - Tënë so amu fini

¹⁰ Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

2 Pierre 1:10 Referans Kwoze

2 Pierre 3:17

Ti ala, a-ita ti mbi so mbi ye ala mingi, ala ma tënë ni kue awe. Le ti ala akpengba, tongaso si azo ti sioni ahanda ala ti gue kirikiri pepe si lege ti Nzapa so ala kpengba daa so, ala zia ni pepe.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.

Abia (Psaumes) 121:3

Fade lo sara si gere ti mbi *azene pepe; lo so lo yeke bata mo so, lango ayeke sara lo pepe.

Mishe 7:8

Mo, wato ti mbi, mo he mbi pepe. Tongana mbi ti, fade mbi yeke londo; tongana mbi duti na ya ti vukongo ndo, *KOTA GBIA ayeke lumiere ti mbi.

Abia (Psaumes) 112:6

Biani, mbeni ye ayeke yingi lo laoko pepe; azo ayeke dabe ti ala na zo ti mbirimbiri kpu na kpu.

2 Pierre 1:5

Ndani laa, ala sara kue titene ala zia na ndö ti mabe ti ala, sarango nzoni ye; na ndö ti sarango nzoni ye, ala zia hingango ndo;

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

Abia (Psaumes) 62:2

Biani, be ti mbi aduti kpoo gi tongana mbi yeke nduru na Nzapa, lo laa lo yeke soo mbi na kuâ.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Abia (Psaumes) 62:6

Biani, be ti mbi aduti kpoo tongana mbi yeke nduru gi na Nzapa; ye so mbi zia be ti mbi ti ku alondo na lo.

Abia (Psaumes) 37:24

Tongana zo ni aye ti ti, lo yeke ti pepe, ngbanga ti so KOTA GBIA agbu maboko ti lo.

Ahebro 6:19

Ti fini ti e ayeke nga tongaso: ye so e zia be ti e ti ku ayeke tongana nengo wen so a yeke bi na ya ti ngu, agbu mangboko si aluti mbirimbiri. Ye so e zia be ti e ti ku ayeke ye so aluti mbirimbiri, ye ni ahon na ya ti ridoo so a kanga na ya ti kota da ti Nzapa so ayeke na yayu, ague ngbii asi na ndo so ayeke nde si ayeke nzoni kue ahon atanga ni.

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Matthieu 22:14

Ti hunzi na ni, Jésus atene: “A iri azo mingi biani, me a soro gi ambeni kete.”

Rome 11:29

Biani, tongana Nzapa amu ye na zo awe, lo yeke kiri ti zi ni na maboko ti lo pepe; tongana Nzapa airi mbeni zo awe, lo yeke kiri ti ke lo pepe.

Jacques 2:10

Tongana mbeni zo asara aye so kue ndia atene tënë ni, me lo buba lege ti mbeni tënë ti ndia ni oko, andaa ngbanga ti tanga ti ndia ni kue ayeke na li ti lo.

2 Pierre 1:3

Na lege ti ngangu ti lo, Christ amu na e aye so kue alingbi na e titene e duti na fini si e ngba ti gbu tënë ti Nzapa ngangu. Christ afa na e ti hinga Nzapa so airi e ti wara mbage ti gonda ti lo na ti nzoni ye so lo sara.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Josué 7:3

Ala kiri atene na Josué: “Ayeke nzoni mo tokua aturugu kue na Ai pepe. Aturugu nduru na saki use wala saki ota alingbi awe. Zia aturugu kue ague senge senge pepe, ngbanga ti so azo ti Ai ni ayeke mingi pepe.”